Prabhu Yeshu Lyrics

प्रभु येशु तुझे स्वरूप

माझ्या नेत्रांना सुंदर

शिष्य मला तू कर तुझ्याच

स्वरूपात रूपांतर

पाहूनी तुझे प्रेमरूप

मी करीन प्रिती जन्मभर

जाळुनी माझा मीपणा मला

तुझ्याच प्रीतीने भर

हीन दीनांना धीर देण्यास

आला तू ह्या भूवरी

आनंदाने मलाही

करू दे दया तुझीयापरी

दासा सारखी सेवा केली तू

जरी देवाचा एकुलता

वास करू दे माझ्या मनात

तुझी तीच नम्रता

पातक्यांचा विरोध सहन

केला देवाच्या कोकऱ्या

राग सोडून क्षमा करण्यास

शिकव तूच मला

इच्छा बापाची पूर्ण करण्याची

होती तुला सदा भूक

माझी इच्छाही होऊ दे

प्रभु तुझ्या इच्छेस अनुरुप

बालपणात वचनातून प्रश्न

केले तू प्रभुजी

गुरू खरा तू कर स्पष्ट

ते वचन सदा मलाही

जागलास तू प्रार्थनेसाठी

रात्रभर प्रभुराया

जागे राहून प्रार्थना करण्यास

शिकव तूच मला

द्वेष करीतो ढोंग सोंग तू

आणि सर्व खोटेपणा

वास करू दे माझ्या मनात

बालकाचा सरळपणा

नावलौकिक सर्व भौतिक

नाकारिले तू प्रभुजी

खरे धन हे तूच मानून

जगू दे मला प्रभुजी

निराश्रितांना आश्रय

देतोस तू दीन-दयाळा

सामर्थ्य तुझे दे मला

मी आहे दीन-दुबळा

दुताहून आणि मानवाहून

आहे तू अतिसुंदर

पाहून मी ती दैवी सुंदरता

हर्षित होईल निरंतर