Chalavitho Prabhu Lyrics

चालवितो प्रभू मला चालवितो

प्रतिदिनी कृपेत तो मला चालवितो

जगिक काळ संपेतोवरी

राखील तो मला मातेपरी

चिंता नाही काही भीती नाही

सर्व गरज तो पूर्ण करी

वाहतो जो माझा सर्वच भार

वल्लभ माझा मला प्रिय फार

व्याकुळ होतो जेव्हा मी मनी

सांत्वन देतो तो त्याच क्षणी

अंधार आले-जरी वाटेवरी

प्रियजन सोडून गेले तरी

तोच आहे माझा प्रिय सखा

सोबत राहील सदा सर्वदा

संकट त्रास आले जरी

दुःखाने त्रस्त झालो तरी

आनंद आहे मला परमानंद

अनंत जीवनात पूर्णानंद