Zakhmi Thi Kitni Maa Lyrics

Dafna ke Fatimaؑ ko jo ghar aaye Murtazaؑ

Bachon ko dekhte hi kaha haaye Fatimaؑ

Tadpe suni behan se jo bhai guftagu

Zainabؑ se keh raha tha yeh mazloom-e-Karbala

Zainabؑ se ro ke kehta tha Zahraؑ ka laadla

Zakhmi thi kitni Maa

Rote hue Hussainؑ ke lab par yeh bain tha

Zakhmi thi kitni Maa

Bhai behan ki bandh gayin yeh keh ke hichkiyan

Baazu pe aur haath pe dure ka tha nishaan

Tooti hui thi pasliyan pehlu shikasta tha

Zakhmi thi kitni Maa

Mushkil se haath rakh ke woh sajda bhi karti thin

Tasbeeh ek haath se woh phir na parh sakin

Qunfuz ne taaziyaane se kaisa sitam kiya

Zakhmi thi kitni Maa

Kehte the Nanaؐ jaan ke ek waqt aayega

Zahraؑ ko zakham jab yeh zamana lagayega

Nanaؐ ke baad jald hi woh waqt aa gaya

Zakhmi thi kitni Maa

Haaye woh ek neel tha jo Maa ke chehre par

Zaalim ne haath uthaya tha yeh mujh ko hai khabar

Afsoos ke Hussainؑ magar kuch na kar saka

Zakhmi thi kitni Maa

Dar thokron se jalta hua un pe dha diya

Aur dar pe paon rakh ke shaqi ghar mein aa gaya

Naamooos-e-Mustafaؐ ko yun paimaal kar diya

Zakhmi thi kitni Maa

Woh zakham samne the jo hum dekhte rahe

Lekin woh zakham Maa ke jigar par the jo lage

Zainabؑ Hussainؑ zakham wahi dekhta raha

Zakhmi thi kitni Maa

Hamla dar-e-Batulؑ pe itna hua shadeed

Madar zameen pe gir gayin Mohsinؑ hua shaheed

Khoon Madar-e-Hussainؑ ka bikhra tha har jagah

Zakhmi thi kitni Maa

Bhai behan yeh keh ke Asadؔ roye der tak

Mara hamaari Maa ko bohot cheena hai Fadak

Hum usko yeh batayenge Mehdiؑ jab aayega

Zakhmi thi kitni Maa