Karbobala Bulaiye Moula Lyrics

As Salam Walaika Ya Ababdillah

Aye Shahe MashraQain Aye Zehra Ke Maharoo

Rakhte Hai Ap Sabki Umeedo Ki Aabroo

Jo Rehgaye hai unki bhi poori ho Justaju

Dil mein hai Buss Hussain se Milne Ki Aarzoo

Mushkil Safar hai kijiye Aasaan Raasta

Moula Hussain Apko Sughra ka Waasta

Main Be Qarar Hoon Roza Dikhaiye Mola

Mujhe Bhi Karbobala Mein Bulaaiye Mola

Dua Ye Mang Kay Aaya Hoon Main Madine Se

Lagaya Apne Jis Tarhaa'n Hur Ko Seene Se

Mujhe Bhi Seene Se Apne Lagaiye Mola

Bicharr Kay Apse Jeena Buhat Hi Mushkil Hai

Hussain Ap Jaha'n Hain Waheen Mera Dil Hai

Naa Toot Jaaye Mera Dil Bachaiye Mola

Hussain Mujhko Faqat Itni Zindagi To Mile

Yahan Pe Soun To Karbobala Mein Ankh Khule

Koi To Mojza Aisa Dikhaiye Mola

Badi Tamanna Hai Lekin Karu'n Main Kaise Safar

Buhat Ghareeb Hoon Koi Nahi Hai Zaad e Safar

Mere Liye Koi Rastaa Banaiye Mola

Jahan pe seene pe barchi lagi thi Akbar ko

Jahan pe teer laga be zuban Asghar ko

Wahan main jaonga kab ye bataiye Mola

Wo khemaa gaah wo maqtal wo tilla e Zainab

Karunga apka matam muqam Dekh kay sab

Bas aik baar mujhe bhi bulaaiye Mola

Kataa kay bazoo jahan moo kay bal gire Abbas

Sakina reh gai pyasi na uth sake Abbas

Mile the bhai se kaise bataiye Mola

Yehi tamanna hai Zeeshan Aur Mesum ki

Bas ek baar to dekhen wo Karbala hum bhi

Hume'n bhi Izn e ziyarat sunaiye Mola