Sabr Hyder Ne Kiya Lyrics

Hukm e sarkar kay paband ki ghurbat hai suno

Ay Azadaron ye Haider ki musibat hai suno

Fatima Zehra per jalta darwaza gira Sabr Haider ne kiya

Mustafa yaad rahe haaye har zulm saha Sabr Haider ne kiya

Kistarhan Maa ko sukoon aaye nahi hai Mohsin

Kitni takleef mein Zehra Ne Guzare hain Wo Din

Pasliyan toot gayi zakhmi pehlu bhi hua Sabr Haider ne kiya

Waqt e rukhsat ye wasiyat thi Nabi kay lab per

Tum mere baad na talwar uthana Haider

Rassi gardan mein bandhi han magar kuch na kaha Sabr Haider Ne kiya

Haaye Ek Hath Se Tasbeeh Jo Parhte Dekha

Chup Kay Zehra Se Buhat Roye Ali Sher e Khuda

Haaye Jab Zehra Kay Saamne Jana Hua Sabr Haider Ne kiya

Jab Suna Raah Mein Zehra Ne Tamancha Khaya

Roke Zehra Se Kaha Waqt ye Kaisa Aaya

Kitna Paband Hoon Main Apko Mara Gaya Sabr Haider Ne kiya

Rokay Haider Ne Kaha Kuch na Bataya Zehra

Pasliyan Toot Gain ye bhi chupaya Zehra

Fatima Zehra ko Ghusl Jis Waqt Dia Sabr Haider Ne kiya

Jab Janaza Hua Tayyar Nabi Zaadi Ka

Tod kar Band e Kafan Maa Ne di bete ko Sada

Maa Se Liptay Jo Hussain Ghar Mein Matam tha Bapa Sabr Haider Ne kiya

Haaye Ro Rokay Ye Zeeshan Ne likha mesum

Jab Talak Saans hai ye Bhool Nahi Painge Hum

Fatima Chor Gain Reh Gaye Jab Tanha Sabr Haider Ne kiya