Ali Ali Haider Lyrics

Ali Ali Hyder

Ali Ali Hyder

Khum Ke Maidaan Me Hai Jashn e Wilaaye Haider

Hajje akbar se ju'nhi palte rasool e zeejaah

Haan sawa laakh sahabi the nabi ke hamraah

Qaafela roka gaya aayi jo awaaz e ilaah

Waliyou ka wali hyder

Ahmed ka wasi hyder

Bangaya khum me kajaawoun ka anokha mimber

Mustafa se ye khudawand ne farmaaya hai

Ye na pohnchaya to phir kuch nahi pohnchaya hai

Saara islaam wilayat me simat aaya hai

Aala hai Ali Hyder

Yakta hai Ali Hyder

Taa qayamat hai ali saare jaha'n ka rehbar

Jab ke man kunto ka ailaan fiza me goonja

Deen kaamil huwa aur arsh se ayi ye sada

Hogaya khaliq e akber ka iraada poora

Hai nafs e nabi hyder

Nafsullah ali hyder

Aaqa hai ali hyder

Moula hai ali hyder

Turbat ki ziya hyder

Khaliq ka pata hyder

Saaqi hai ali hyder

Baaqi hai ali hyder

Ali Ali hyder Ali Ali hyder

Saare aalam me nahi koi ali se behtar

Haal abraha ke lashkar ka suna hi hoga

Sura e Feel Gawahi Me Hai Ab Tak Ba Khuda

Sangrezoun Se Mili Dushman e Kaaba Ko Saza

Qibla Hai Ali Hyder

Kaaba Hai Ali Hyder

Munkir e Moula Ke Sar Par Bhi Gira Hai Paththar

Noor Aur Naar Ka Mizaan Diya Ahmed Ne

Baqshdi Hashr Talak Raah e Baqa Ahmed Ne

Ya Ali Hubbuka Imaan Kaha Ahmed Ne

Shaafi Hai Ali Hyder

Kaafi Hai Ali Hyder

Bas Ali Hi Hai Zamane Me Khuda Ka Mazhar

Inke Irfaan Se Nabiyyou'n Ne Nabuwwat Paayi

Inke Dushman Ne Hi Allah Se Lanat Paayi

Uske Dil Me Hai Ali Jisne Taharat Paayi

Momin Ka Yaqeen Hyder

ShehRag Ke Khareen Hyder

Bas Ali Walou Ko Hi Milpaayega Jaam e Kousar

Dekho Quraan Bhi Karta Hai Ye Ailaan Ajab

Sabse Aala Hai Shariyyat Me Wali Ka Mansab

Rab ki Wehdat Bhi Hai Mehfooz Wilayat ke Sababb

Nazim Hai Wali Hyder

Hakim Hai Ali Hyder

Bangayi Eid e Ghadeer isliye Eid e Akbar

Ilteja Karte Hai'n Ya Rab Ye Kamaal or Meesam

Aakhri Waqt Bhi Hampar Rahe Tera Ye Karam

Apne Moula Pe Ho Imaan Hamara Mohkam

Dil Ka Ho Baya'n Hyder

Ho Wird e Zubaa'n Hyder

Ya Ali Kehte Huwe Ham Karen Jannat Ka Safar