Mola Hamara Hyder Lyrics

Hyder Hyder Hyder Hyder Hyder Hyder

Hyder Hyder Hyder Moula Hamara Hyder

Toofan mei Kinara Hyder Nabiyon ne pukara Hyder

Hyder Hyder Hyder

Wo 13 Rajjab ko aya Kaabe ko banane Qibla

Boli Yeh jidaare Kaaba lo mera Maseeha Aya

Quran jise kehte hain wo rab ka Saheefa aaya

Kaabe ka Kaaba hyder Hum sab ka Sahara Hyder

Ye sher e khuda e Akbar Islaam ka hai Ye Jhumar

Juz iske nahi hai koi damaad e Rasool ye Sarwar

Beta ye abutalib ka ye binte Asad ka Dilbar

Suraj bhi palat aata hai karde jo ishara Hyder

Karta hai khuda se nafrat jo isse hasad karta hai

Jo isko pukaare uski Allah madad karta hain

Jo baat Ali kehde wo Allah na rad karta hain

Khud rabbe Jali kehta hai Han ye hai hamara hyder

Kistarha samaj mein aaye Duniya ko Ali ka Rubta

Khaliq ki Kasam aalam mei koi bhi nahi hai Aisa

Bin maange ata karta hai Aisa ye sakhawat wala

Jo Dub raha ho usku deta hai kinara Hyder

Jo koi bhi na Kar paya wo karke dikhaya Isne

Kya bhool gaye tum Qaibar marhab ko mitaya isne

Han Jung e ohad mein tanha aqa ko bachaya isne

Mehboob khuda ka tujhko hai Jaan se pyara Hyder

Kaha tha Madar e Marhab Ne Marhab Se Yahi Aksar

Na Ladna Tum Kabhi Usse Ke Jiska Naam Ho Hyder

Magar Karke Himaaqat Aagaya Ladne Wo Bad Akhtar

Fana Ke Ghaat Utra Eyk Hi Hamle Me Do Hokar

Rasool e Haq Ke Mazhab Ka Alam Paththar Pe Gaada Hai

Faqat Do Ungliyou'n Se Baab e Khaibar Ko Ukhaada Hai

Haqeeqat Hai Yahi Jannat Me Jaane Ka Sabab Chhoota

Mohammed bhi Na Mil Paaye Usey yaani Ke Rab Chhoota

Ghadeer e Khum Ke Maidaa'ñ Se Kamaal Awaaz Aati Hai

Dar e Haider Agar Chhoota To Ye Samjho Ke Sab Chhoota

Ek nazr karam daale toh bezar ko Abuzar krde

Taqdeer k maaro ko yeh kismat ka sikandar krde

Jab Ishq ki had dekhe toh shahbaaz Qalandar karde

Hoonto pe malango ke buss hai ek ye Nara Hyder

Zeeshan ye dil kehta hai hai ishq mujhe hyder se

Mai naade Ali padta hun jata hu kahi jb Ghar se

Islam ke sadqe saari tal ti hai balaye sar se

Ye sunte hi Meesum ne bhi khush hoke pukara Hyder