Khutba e Abbas Lyrics

Ya Hussain

SubhanAllah Ya Hussain

MashaAllah Ya Hussain

Aao abbas se Ssunte hain sana e shabbir

Han wo abbas jo aaya hai baraye shabbir

Iski aankhon mein nazar aaye ziaay e Shabbir

Bola Shabbir Ss ek din ye khuda e Shabbir

Teen shaban Janam din ka sila Hai abbas

Chaar shaban ko tohfe mein mila hai abbas

Din guzarte rahe Shabbir Chale Haj Kay Liye

Aur Saanson ki tarhan Sath Mein Abbas bhi the

Jab Hussain Ibn e Ali khana e kaaba puhanche

Jitne Haji the wo apas Mein yehi kehne lage

Sath Shabbir kay wo Sher e jali aaya Hai

Muskurane laga kaaba kay Ali Aaya Hai

Haj Ko Umre Mein badal kar ye pukare Sarwar

Jao Abbas ye Kaaba hai tumhara Mimber

Hajiyon ko ye batao kay Main kiska hoon Pisar

Hukm e Shabbir suna aur Wo puhancha Chat Per

Jiski muddat se thi chahat wo kiya kaabe Ne

Bosa Abbas Kay Qadmon Ka liya Kaabe Ne

Bole Abbas Suno hajiyon Kaabe Ki Qasam

Is Makaan mein jo na aate mere Baba Kay Qadam

Aaj tak is mein makeen hote wo pathar Kay Sanam

Bas Humare hi sabab isko kaha sab ne Haram

Ye Tha pathar ka makaan Kaaba banaya Humne

Sajda karna hai ise Ye bhi sikhaya Humne

Jitni oqat hai bas utna hi socha tum ne

Saamne kon hai ek baar na dekha tum ne

Ye Muhammad Ka Nawasa hai na samjha tum ne

Tum samjhte ho kay Shabbir ko Roka tum ne

Ye Agar Kehden To Qadmon Mein Gire Ga kaaba

Mere Mola ka tawaaf aaj karega Kaaba

Ghaiz Itna Tha Kay Deewar e Haram Hilne Lagi

Shah e Wala ki Taraf Dekh Kay Wo Bol Uthi

Aye Hussain Ibn e Ali Rok Len Ghazi Ko Abhi

Jab Ali Aaye The Ik Tooti thi Deewar Meri

Hai Jalal Itna Kay Sab Jhaard Kay Rakh Dega Abhi

Chaaron Deewaron ko Ye Phaarr Kay Rakh Dega Abhi

Hath Kaabe pe Rakha Aur Pukare Shabbir

Ja Raha Hoon Main Banane ko Teri Hi Taqdeer

Degi Ab Karbobala Tere Watan Ko Tanweer

Mere Roze Mein Nazar aaigi Teri Tasweer

Laut kar ab Main Tere Pass Nahi Nahi Aonga

Jaate Jaate Main Teri Rooh Ko Lejaonga

Karbala Agaye Kaabe ko Bacha Kar Mola

Khana e Kaaba ki Tazeem Sikha kar Mola

Izn Roze Ki Ziyarat Ka Ata Kar Mola a.s

Dekhenge Mesum o Zeeshan Bhi Jakar Mola

Rooh e Kaaba Hai Jahan Sirf Waheen Milti Hai

Karbala Ao Kay Tauheed Yaheen Milti Hai