Maiyyat pe Murtaza ki ye Abbas Ne Kaha Lyrics

Jab bete apne baba ko pehna chuke kafan

Manzar wo dekh dekh kay rote rahe Hassan

Mayyat pe Murtaza ki ye Abbas ne kaha

Main dekhta hi reh gaya kuch bhi na kar saka

Ye haal apne Baba ka bhulenge kaise hum

Muljim kay bete tune ye kaisa kia sitam

Sajde mein mere Baba ka sar zakhmi kardia

Main dekhta hi Reh gaya kuch Bhi na kar Saka

Dil phat raha hai mera yehi soch soch kay

Manga Namaz e shab mein wo jis baap ne mujhe

Khoon uska mere saamne behta raha Khuda

Main dekhta hi reh gaya kuch bhi na kar Saka

Ye Sabr Maine Baba ki Khatir Dikhaya Hai

Qatil ko Apne Hath Se Sharbat Pilaya Hai

Baba Ka Hukm Maan Kay Khamosh Hogaya

Main Dekhta Hi Reh gaya Kuch Bhi Na Kar Saka

Bheja tha Larne Baba Ne Siffeen Mein Mujhe

kyun Aaj Mujhko Rok Lia Sab Ne Ghaiz se

Qatil tha Mere Saamne Haaye Musibata

Main Dekhta Hi Reh gaya Kuch Bhi Na Kar Saka

Koofay Mein Shor Utha Kay Zakhmi hue Ali

Dekha Suay Madina To kehna laga Jari

Sharminda Apse hai Buhat Apki Dua

Main Dekhta Hi Reh gaya Kuch Bhi Na Kar Saka

Han Zindagi Mein Pehli Dafa Mere Saamne

Shahzadiyon ki Ankhon Se Ansu Rawan Hue

Hum Sab Yateem Hogaye Baba Hue Juda

Main Dekhta Hi Reh gaya Kuch Bhi Na Kar Saka

Mai Jaa raha hu meri wasiyat na bhoolna.

Haaye

Mai Jaa raha hu meri wasiyat na bhoolna.-

Bhulunga Kistarhan Se Wo baba Ka Bolna

Main Ja Raha Hoon Meri Wasiyat Na Bhulna

Koofay Kay Sab Yateemon Se wo Hogaye Juda

Main Dekhta Hi Reh gaya Kuch Bhi Na Kar Saka

Sonpa Hai Hath Baba Ne Aaqa Hussian a.s Ka

Rokay Na koi Karbobala Mein Karo Dua

Aisa na ho Wahan bhi ye deta rahun Sada

Main Dekhta Hi Reh gaya Kuch Bhi Na Kar Saka

Zeeshan Abidi Ne ye mesum ko di sada

Ghar se Janaza Uthha to kohram Mach Gaya

Mayyat ko Kandha dekay ye Abbas Ne Kaha

Main Dekhta Hi Reh gaya Kuch Bhi Na Kar Saka