Hussain (a.s.) Ka Lasha Lyrics

کوئی حُسینؑ کا لاشہ اُٹھانے والا نہیں

کفن سے زخمی بدن کو چھپانے والا نہیں

یہ بین کرتی تھیں مقتل میں فاطمہ زہراؑ

میرے حسینؑ کو مارا ہے گھیر کر تنہا

اب اسکی لاش کو کوئی بچانے والا نہیں

حسینؑ قتل ہوئے کربلا کے جنگل میں

سوائے زینبِ مضطر اندھیرے مقتل میں

بدن سے کوئی بھی پتھر ہٹانے والا نہیں

شہید ہوگئے سب کوئی نا بچا ہائے

حسینؑ سب کے جنازے اُٹھاکے لے آئے

کوئی غریب کے لاشے پہ آنے والا نہیں

صدا یہ لاشے سے آئی ہیں تیر سینے میں

اے میری لاڈلی تم لوٹ جاؤ خیمے میں

سکینہؑ سینہ یہ تمکو سلانے والا نہیں

کریگا کون غریبوں کا دشت میں احساس

صدا یہ آتی ہے خیموں سے مرگئے عباسؑ

کوئی بھی ساتھ ہمارا کا نبھانے والا نہیں

بیاں ہو ضیغم و ذیشان ہائے وہ منظر

بوقت دفن یہ کہتے تھے عابدِ مضطرؑ

بدن کا حال کسی کو سنانے والا نہیں