Chid Gaya Barchi Say Lyrics

زخمی سینہ علی اکبرؑ کو جو دیکھا شہؑ نے

دیکھ کر سوئے مدینہ یہ پکارا شہؑ نے

چھد گیا برچھی سے اکبرؑ کا کلیجہ اماں

کتنا مشکل ہے یہ زینبؑ کو بتانا اماں

آؤ تم ساتھ دو اس عالمِ غربت میں مرا

تم بھی اک ماں ہو سمجھ سکتی ہو غم زینبؑ اُسکا

جب جنازے سے وہ لپٹے تو چھڑانا اماں

اپنے اکبرؑ سے جدا ہوکے نہ جی پائیگی

ہائے اس حال میں دیکھے گی تو مر جائیگی

میری ہمشیر کو مرنے سے بچانا اماں

اس سے ملنے کیلئے بیٹھی ہے بیمار بہن

اب کبھی لوٹ کے اکبرؑ نہیں آئیگا وطن

جاکے صغراؑ کو مدینے میں بتانا اماں

یاعلیؑ کہتے ہوئے میں نے سناں کھینچی ہے

اسکے سینے میں ابھی ٹوٹی سناں باقی ہے

زخم گہرا ہے وہاں اسکا چھپانا اماں

صبر کیسے ہو مری جان مرے دلبر نے

ہاں مرے سامنے دم توڑ دیا اکبرؑ نے

موت ہے میرے لئے غم یہ اُٹھانا اماں

کبھی گرتا تھا کبھی اُٹھتا تھا میں چلتے ہوئے

اسکے لاشے پہ میں آیا ہوں بڑی مشکل سے

لاش اُٹھاؤں تو مرا ساتھ نبھانا اماں

جب چلے ضیغم و ذیشان سوئے خیمہ حسینؑ

ہر قدم روتے رہے کرتے رہے بس یہی بین

گر نہ جاؤں مجھے گرنے سے بچانا اماں