Ashur Walay Din Lyrics

مقتل میں بین کرتی تھیں رو روکے فاطمہؑ

عاشور والے دن

کس کی نظر لگی مرا گھربار لٹ گیا

عاشور والے دن

پیاسے گئے تھے نہر پہ پیاسے ہی رہ گئے

ہر ظلم سہ گئے

زینبؑ کے دونوں بیٹوں کا سر ہوگیا جدا

عاشور والے دن

قاسمؑ کا جسم خاک پہ پامال ہوگیا

کیا حال ہوگیا

فروہؑ کا لعل دشت میں ٹکڑوں میں بٹ گیا

عاشور والے دن

نا سہ سکا کلیجے میں ٹوٹی ہوئی سناں

اکبرؑ سا نوجواں

آغوش میں حسینؑ کی دنیا سے چل بسا

عاشور والے دن

جب رن سے آیا خون میں ڈوبا ہوا علم

روتے رہے حرم

ڈھارس تھی جسکےدم سے وہ عباسؑ نا رہا

عاشور والے دن

ظالم نے ختم کردیا چھ ماہ کا سفر

سرورؑ کے ہاتھ پر

تیرِ ستم سے چھد گیا بےشیر کا گلا

عاشور والے دن

خنجر میں روک روک کے کرتی رہی یہ بین

ہائے میرا حسینؑ

جس وقت میرے لعل کا کاٹا گیا گلا

عاشور والے دن

پیاسہ نا کوئی قتل ہو بےجرم و بے خطا

دل غم سے پھٹ گیا

ذیشان عابدی یہ ضیغم سے جب کہا

عاشور والے دن