Mairay Seenay Main Sina Lyrics

بولے اکبرؑ کہ مجھے خیمے میں مت لے جانا

میرے سینے میں سناں ٹوٹ گئی ھے بابا

پھوپی اماں کو نظر آئے نہ یہ حال میرا

میرے سینے میں سناں ٹوٹ گئی ھے بابا

بابا یہ ہاتھ میں سینے سے ہٹاؤں کیسے

کتنی تکلیف میں ہوں تمکو بتاؤں کیسے

سانس اب لینا بھی تکلیف سے دشوار ہوا

میرے سینے میں سناں ٹوٹ گئی ھے بابا

ھائے اماں یہ میرا درد نہ سہہ پائینگی

مجھکواس حال میں وہ دیکھکےمرجائینگی

خون جاری ھے میرا زخم بہت ھے گہرا

میرے سینے میں سناں ٹوٹ گئی ھے بابا

دیکھلو بابا یہ سینہ جو میرا ھے زخمی

ھائے خیمے میں سکینہؑ جو اِسے دیکھے گی

میری معصوم بہن کیسے سہے گی صدمہ

میرے سینے میں سناں ٹوٹ گئی ھے بابا

یاد آتی ھے بہت مجھکو وہ بیمار بہن

یہ تو اچھا ہی ہوا چھوڑکے آئی نہ وطن

کسطرح دیکھتی اس حال میں مجھکوصغراؑ

میرے سینے میں سناں ٹوٹ گئی ھے بابا

ھائے غربت ھے یہ اکبرؑ پہ قیامت جیسی

پہلے دیکھی ہی نہیں درد کی شدت ایسی

کیسے بتلاؤں تمہیں حال میں اپنے دل کا

میرے سینے میں سناں ٹوٹ گئی ھے بابا

کیسی آئی ھے یہ اکبرؑ پہ مصیبت ھائے

بابا سینے سے لگالو تو سکوں مل جائے

کتنا مجبور ھے دیکھو یہ تمہارا بیٹا

میرے سینے میں سناں ٹوٹ گئی ھے بابا

کھینچ کر ضیغم و ذیشان سناں سینے سے

بوڑھے کاندھے پہ جواں لاش لئے شاہؑ چلے

گونجتی رہ گئی مقتل میں یہ اکبرؑ کی صدا

میرے سینے میں سناں ٹوٹ گئی ھے بابا