Die Vlaglied Lyrics

Dis tyd dat jou kinders wat trou is maar vra

Wat beteken die vlag van ou Suid-Afrika

Hulle weet dis die merk van die Nasionalis

Van die blank über alles

Die wit supremis

Van geslag tot geslag is die mense verag

Hulle land ingepag en koppe verkrag

'n Nazi se kenmerk op Afrika grond

Van 'n volk wat nog hunker na gister se stront

Die blou van die blanke in oranje grond

Dis die kleed met klad van die skaam van Suid-Afrika

Ons lê nou die wapens neer

Kom lê nou die wapens neer

Uit die blou van Khayelitsha en die pyn van Mitchell's Plain

Tot die room van Waterkloof word noodkrete uitgedoof

In die rookwolk oor Tembisa, in die sinkshack in Nyanga

Kyk almal op die TV, hoe word ryk mense beroof

In die stofpad in Promosa, 'n shebeen in Ikageng

Hoop kinders op 'n lewe wat hul nimmer nooit sal ken

So kom nou met jou ou vlag en waai dit voor sy neus

Vertel my hoe's jou vrede of lewe jy in vrees?

O almal deel in swaarkry ons almal hier het pyn

Kom ons wees mekaar genadig sonder haat sonder venyn

Oons almal hier is mense in hierdie tyd en hierdie plek

En dit is in onse hande om ons tafel hier te dek

Kom ons deel ons oorvol spense

Kom ons maak 'n beter plek

Kom ons gee ons beste wense

En vermorsel hierdie grense

Ons lê nou die wapens neer

Kom lê nou die wapens neer