Onverlore ft. Riku Lätti Lyrics

Sit in die son en verlang na jou vriende

Die wind verbind die voëls en die see se gesuis

Oor jou huis

Jy's bewus van die swaar maar jy hoop op die beste

Dis Bybelse dae en mense besef dit is juis

'n tyd van gedruis

Jy wens daar was iets wat jy aan die saak kon doen

Jy kyk rond in die huis

Jy was te lank net tuis

In jou eie huis

Uit by die hek is jou brein al op toere

Weg op 'n wolk is jou kop in vervoering

Weg

Ver weg

Om te loop in die sand en te dans langs die vure

Om 'n voetpad te vat in die veld tot waarewwer

Weg

Ver, ver weg

Elke mens skryf sy eie verhaal

Elke ene

Besluit op 'n tyd om die noodlot te gaan haal

Maar als sien anders daar uit

As jy dit regkry om jou af te sny

Van jou verhaal te bevry

Ongebore

Onverlore

Onbewus van die nood

In verhale

Ander tale

Om 'n nuwe woord te hoor

Sien jouself

Soos jy is

Ken jouself

En die wêreld wat jy is

Al wat dit vat is om net hier te wees soos jy is

Jy beleef 'n fees as jy dink hoe erg dit kan wees

Kyk na die kewer hy's happiest shoveling shit

Keep it together, maak peace met whatever daar is

Want dit is hoe dit is

Dit weet jy gewis

Sit in die son en verlang na jou vriende

Dit reën in die aand, maar dis alles dieselfde

Of is dit soos dit is

Jy hoor oor die nuus van die ateroïde

Gelukkig het hy net skrams ook die aarde gemis

Net skrams

Maar mis