Us Pe Lakhon Durood Us Pe Laakhon Salaam ft. Asgar Ahmed Siddiqui Lyrics

مصطفیٰ مجتبیٰ

آقا آقا آقا آقا

سید ولد آدم وہ خیر الانام

اس پہ لاکھوں درود اس پہ لاکھوں سلام

سید ولد آدم وہ خیر الانام

اس پہ لاکھوں درود اس پہ لاکھوں سلام

وہ رسالت مآب اور شہ دوجہاں

پاک نام آپ کا لے یہ گندی زباں

ہے مجال اس کی کیا اور جرأت کہاں

اک خیال آگیا اور آنسوں رواں

کہہ اٹھے اک زباں رات دن صبح و شام

اس پہ لاکھوں درود اس پہ لاکھوں سلام

سید ولد آدم وہ خیر الانام

اس پہ لاکھوں درود اس پہ لاکھوں سلام

آمنہ کا وہ پیارا وہ دُر یتیم

بے کسوں کا سہارا وہ لطفِ عمیم

سب کی آنکھوں کا تارا وہ ذاتِ کریم

جان و دل ماہ پارا وہ خلقِ عظیم

جس کی ہر ہر ادا واجب الاحترام

اس پہ لاکھوں درود اس پہ لاکھوں سلام

سید ولد آدم وہ خیر الانام

اس پہ لاکھوں درود اس پہ لاکھوں سلام

جس کی آمد سے بادِ نسيم آگئی

رحمتِ حق کی ہر سو گھٹا چھا گئی

چھا گئی اور پھر نور برسا گئی

غم کی ماری تھی دنیا سکوں پا گئی

زندکی بھر پلایا محبت کا جام

اس پہ لاکھوں درود اس پہ لاکھوں سلام

سید ولد آدم وہ خیر الانام

اس پہ لاکھوں درود اس پہ لاکھوں سلام

جس نے کندن بنایا مس خام کو

جس نے قربان کیا حق پہ آرام کو

صبح سے جس نے بدلا ہر اک شام کو

سارے عالم میں پھیلایا اسلام کو

جس پہ نازل ہوا ہے خدا کا کلام

اس پہ لاکھوں درود اس پہ لاکھوں سلام

سید ولد آدم وہ خیر الانام

اس پہ لاکھوں درود اس پہ لاکھوں سلام

حسن ایسا نہیں جس کا کوئی جواب

وہ جبیں جو کہ ہے مطلع آفتاب

ایسے دنداں ملی جن سے موتی کو آب

روئے انور کہ ہے گرد تک ماہ تاب

حسن عالم اسی پر ہوا ہے تمام

اس پہ لاکھوں درود اس پہ لاکھوں سلام

سید ولد آدم وہ خیر الانام

اس پہ لاکھوں درود اس پہ لاکھوں سلام

وہ تبسم لبوں پر سراپا بہار

وہ تکلم کہ جیسے گلوں کا نکھار

کھل گئی جو کبھی زلف بھی ایک بار

ہوگئی پھر ہوا اور فضا مشک بار

جس کی ہر سانس پر ہے تصدق مشام

اس پہ لاکھوں درود اس پہ لاکھوں سلام

سید ولد آدم وہ خیر الانام

اس پہ لاکھوں درود اس پہ لاکھوں سلام

وہ رسولوں میں آخر جو مرسل ہوا

جس پہ قرآن سارا منزل ہوا

جس کا ہر لفظ و جملہ مدلل ہوا

دینِ اسلام جس پر مکمل ہوا

ہو گئے جس پہ دین و شریعت تمام

اس پہ لاکھوں درود اس پہ لاکھوں سلام

سید ولد آدم وہ خیر الانام

اس پہ لاکھوں درود اس پہ لاکھوں سلام

وہ حبيبِ خدا، طاہر و مصطفی

قاسم و حامد و حجت و مرتضى

صادق و رحمت و طیب و مجتبى

طہ، یسین، مکی، وہ خیر الوری

وہ شفيع و منير و شہید و امام

اس پہ لاکھوں درود اس پہ لاکھوں سلام

سید ولد آدم وہ خیر الانام

اس پہ لاکھوں درود اس پہ لاکھوں سلام

وہ حجازي، تہامی، یتیم و غنی

وہ رؤف و بشیر و نذير و نبی

وہ رسول و مذكر امیں ہاشمی

وہ ہے امی لقب ابطحي متقی

جس کے محمود، احمد محمد ہے نام

اس پہ لاکھوں درود اس پہ لاکھوں سلام

سید ولد آدم وہ خیر الانام

اس پہ لاکھوں درود اس پہ لاکھوں سلام

آقا آقا آقا آقا