Alaws

Alaws

Alaws

Sa palagay ko, dapat nga tayong hindi magsang-ayon

Binabanatan ang erpat ng mga batang nagpupumilit

Di matanggap na nakaupo lang sila sa bangketa

Nang magsinungaling ka, alam kong wala ka sa wisyo

Nagsisinungaling ako para makapunta sa paupahan mo

Nahuhulog ako sa balong walang sahig

Nanakawin ko ang kaibigan mo pag kaya ko na

Babaliin ko ang likod mo pag may pagkakataon

Sabi niya, kunin mo o iwan mo

Masyadong macho ang mga lalake

Masyadong sinungaling ang mga babae

Gumagapang ako ng milyon-milyong milya

Syotang di makaunawa

Anak na di makaunawa

Apong di makaunawa

Magulang na di makaunawa

Kapatid na di makaunawa

Matalik na kaibigang di makaunawa

Alagang hayop na di makaunawa

Mabibilis na kotseng di makaunawa

Mamahaling kasangkapang di makaunawa

Tumalikod ako at iniwan ko ang anino

Bagsak na bagsak ako

Lugmok na lugmok

Walang silbi ang mga albularyo at duktor

Papalakulin ko ang pinto

Maglalabing-tatlong minuto na

Wala kong paki

Naririndi ako dahil inetsapwera ko

Kailangang magmalinis ng otoridad

Naiipit sa gitna ang aking irog

Nagsulat ako ng liham para sa wala

Nakakulong ka sa loob ng paupahan

Tingnan mo ko, gusto ko ng tag-ulan

Malambot na panahon

Lunod na lungsod

Parang bumbay kung magbihis

Parang intsik kung kumilos

Hindi talaga maayos ang bayang ito

Pakipatay na ko ngayon dahil ipapahiya lang kita

Mga pulis maynilang walang utak

Sirang orasan

Di madaling mawala, kailangang magwala

Sabi mo, panahon na para maglaho

Talagang kakatwa ang katawang nakahiga sa kama

Bagamat tatlong gabi lang naman yon

Pinapasok kita para lang wasakin ang puso mo

Pinag-aralan lahat ng batas para dilaan ang butas

Umakyat sa hagdan ng kahulugan ng buhay

Manatili dito sa kalsada ng pilipinong gabi

Ayoko ng bahagi

Ayoko ng buo

Sinasabi mo ang pinakamalalabong bagay

Minsan kaibigan ang tadhana

Minsan kaaway

At ngayon, dumarating ang takot ko nang pituhan

Bumabalikwas ang mga mesa paminsan-minsan

Sinta, di tama ang ulo mo, kitams

Bumubulusok tayo nang sabay-sabay

Sabi ng pipit, di raw ako malalim

Mga pangakong binali bago mapako

Isinusuka ko ang mga paalam

Tapos na ang huwebes

Tapos na naman

Sawa na ko sa yo

At ganon talaga ang magpakailanman

Mga nakaplanong aksidente

Sabi niya, di raw siya nagsisisi na binubugahan siya ng tambutso sa mukha

Ngayong wala tayo sa tyempo

Wala sa tono

Gahasain mo ko ngayong matanda na ko

Napipi ang mundo para sa tin

Alas-tres y medya ang oras ng boses ko

Hindi matagpuan ang salitang hinahanap

Ang talinghagang nagkandabuhol-buhol

Pwede tayong umalis ngayon at lumaklak ng redhorse

May lumbay na kaakibat ang sabado ng gabi

Nabibilaukan sa hibla ng plywood

Ang panahon ko ay piraso ng sebo na nahuhulog sa butiki

Pwede kang magsulat kung di ka maka-relate

Paluin ang leeg ng pabo at ibitin sa pakpak ng kalapati

Nagpakamatay siya sa pamamagitan ng putol na kwerdas

Ang walang-kwentang almusal sa tv na may haranang bakla

De-latang palabas at baradong singhot ng ilong

Ipasok ang bala sa bunganga

Ang isa'y may daga

Ang isa'y may bandera

Pinagbabawal lahat ng kundiman sa pekeng gas chamber

Mamaril ng airgun sa fiesta carnival

Itabi mo lahat ng selyong bogchi

Ahitin ang mukha ng tagabulag ng dilim

Kokotongan ka ng militar at may butete sa manggas mo

Wag mong paniwalaan lahat ng hinihinga mo

Matamis na mabaho

Balita tungkol sa sumabog na kasalan

May paulit-ulit na nagsasabing baliw ang magreklamo

May ilang pares ng kutson na nasusunog

Nakaupo ang pag-ibig sa basag na inidoro

Nasa casino ang sanggol na may vitamin e

Patayin ang ilaw at pumuwesto sa gitna

Naglalako ng pagkain ang askal na may medyas na karne

Magtanim ng patani sa ugat

Nasa labas ako para hiwain ang durog

Damuho ako

Dyaske

Ang pinakabukodtanging puta

Naluluha ako sa punit-punit na balat

Ng maaliwalas na panahon