Distracción Lyrics

Unha bolboreta salta dunha flor a outra danzando contra o vento;

Así como nos agarramos ás copas exhalando o suave polen da primavera

Só ás veces hai silencio: un tesouro dourado que hai que gardar profundo

Nun presente que é lume onde temos a mesma fame

UN CORAZÓN NON SE OXIDA NO BAILE

UNHA ORACIÓN FAISE GRANDE NO XESTO

Somos eu e son todos brazos e estrelas entrelazados nunha orxía cuántica

Un arjé que palpita detrás do peito e brilla en pingas de suor

Delicada cuestión do sexo alén do corpo: a última fronteira

NON HAI CONFÍNS NO VENTRE DA NAI

Pisamos o ser se pisamos a sombra?

Risible medir o brillo de mil soles

Asinamos o armisticio nunha caída de pestanas

Unha marca de morte en forma de engurra

(Fai que queiramos)

Arrincarmos a pel e a usala de alfombra

Onde limpar os nosos pes

Non hai volta á rutina despois do desexo absoluto

Onde os quefaceres deixan de ter sentido

Non hai volta á rutina despois do desexo absoluto

Soan notas prateadas dun comezo que sempre estivo