Wegholtrein Lyrics

Ek sweef in met 'n valskerm aanmekaar geweef

Van vaal-onthou-kleur-drome in grys vergeet

Trek in my bene besef ek moet land

Op 'n trein wat jaag deur die middernag

Spring van trok tot trok om voor te kom

Om uit te vind waar ek af kan klim

Soos ek beur teen die vet druppels reen

Besef ek hierdie trein ry nerens heen nie

Nagmerries hang aan telefoonpale

Wat soos afkopshanters lyk

En een vir een haak die stoker hulle nader

Om die trein aan die weghol te kry

Wegholtrein jaag verby

Droom op droom

Deur die middel van my brein

Wegholtrein die maanlig skyn

Op die laaste perron waar ek vrede kon kry

Ek kry vier boerezombies in kompartement een

Speel texas holdem - my blind is my lewe

En ek wen al op die flop maar hulle dink ek verneuk

Lek af hulle lippe om my brein op te vreet

Ek vlug so gou ek kan maar skielik is ek lam

In die volgende trok is alles pikgiet donker

Tot die weerlig blits in die poorte van die hel

Staan die liefde van my lewe en trou my beste pel

Nagmerries hang aan telefoonpale

Wat soos afkopshanters lyk

En een vir een haak die stoker hulle nader

Om die trein aan die weghol te kry

Wegholtrein jaag verby

Droom op droom

Deur die middel van my brein

Wegholtrein die maanlig skyn

Op die laaste perron waar ek vrede kon kry

Hierdie trein is lank en ek loop my heeltyd vas

Teen slaaploos se demone, vyande en rowers

Daar's gout in my boots geraamtes in my kas

Kanker in my hoed en slange in die gras

Meteens kom die einde dis 'n afgrond en ek val

Met my valskerm vol drome maak ek vir die wal

In angs skrik ek wakker – ek sweet want ek weet

More aand voor twaalf kom haal die trein my weer

Nagmerries hang aan telefoonpale

Wat soos afkopshanters lyk

En een vir een haak die stoker hulle nader

Om die trein aan die weghol te kry

Wegholtrein jaag verby

Droom op droom

Deur die middel van my brein

Wegholtrein die maanlig skyn

Op die laaste perron waar ek vrede kon kry