Tatoo Ya Asili Lyrics

Tatoo Ya Asili - Dizasta Vina

...

Dizasta Vina - Tatoo ya Asili

Ah..alizongwa na zimwi,Aliskika jirani

Akitoa hoja kwa Kijiji, sababu ya kukosa elimu ya maambukizi walihisi kurogwa ndo tafsiri ya gonjwa la UKIMWI

Huo ni ugonjwa jamani Kama gonjwa mwngine,alisema mwalimu

Mwenyekiti alifoka akimwambia kaa kimya sio unaropoka kama mwendawazimu.

Elimu ya mwalimu ilikua ni nuru potevu,nuru ambayo haifiki gizani

Ikawekwa idhini mizani kuwa mizimu imechukia mgonjwa afukuzwe Kijiji Cha mbali (sauti za mwituni)

Akasindikizwa njia panda,mwisho wa makazi mwanzo wa msitu mkubwa wa Sanza

Akatengwa Kama walivyotengwa wengi,kwa mila na desturi zilizowekwa tangu enzi

Kibuyu Cha maji,furushi la matunda na makobasi yalioalika funza

Hakuna hodi inapofika kiama,Mama na nyika nyika na Mama

Na alikua peke yake,na ule mzigo mdogo mgongoni wasiwasi usoni,mtoto tumboni

Alitamani matawi yaanguke yamtunze dhidi ya baridi ya mji ulosahaulika na wabunge.

Umauti aliuhisi,alijitazama na hakuona tofauti na maiti

Alilia peke yake porini,huku sauti yake ilisindikizwa na sauti za fisi

Wadudu wenye sumu nyingi walimvizia,alikutana na visiki alipohisi njia

Mvua kubwa ilinyesha,kuonyesha hata Hali ya hewa ilimsaliti pia.

Alivuka salama mpaka ngambo,akajikongoja mpaka kando

Kando kwenye mti mkubwa,uchungu ulimshika akazaliwa mtoto mdogo huku Mama anakufa.

Ujinga uliotamalaki kwa Kijiji,ndio ujinga uliomnyima Haki ya kuishi

Alipambana mpaka ilifika tamati pumzi,akamwacha mwanae na zawadi ya virusi

Natoa nukuu kariri,mtotoalifunikwa na nguo kuukuu kwenye mwili

"Alikua na madoa makuu mawili,katikati ya mgongo,mfano wa Tatoo ya Asili"...