Mərcan Ağacı Lyrics

Doğma olsa da səsim

Aldanma küyə, biz səninlə tanış deyilik

Mən yoldaşı heç kəsin

Yolum elə uzun bir neçə ömürdü gedirəm

Yaranır yeni yaratıq

İçim qırx otaq, qırx qapı — hər birində div yatır

Çıxart pencəyini isti olacaq

Məlikməmmədin quyusuna enirik

Ruhdan düşmüşlərə həb ruhu zamanın

Yağış olum bağrına quru Aranın

Olum haramın, olum qadağanın

Uzaq qəribin, qəribə adamın, səsi Yaradanın

Sanki dumana qarşı işıqları faranın

Yolun azanda karvanın olum sarvanın

Mən yuxusuyam Brahmanın

Babilin qapılarındakı aslanlar üzür boynun Daranın

Mənim içimdə

Yeddi Gözəl, Oniki Boy, Qırx Şikəstə, İyirmi Soy

Mənim içimdə

Sinəsi qarlı, başı dumanlı, gözü tufanlı, dəlisi qanlı

Çənlibeldə bu gün toy

Hoydu dəlilərim, hoydu!

Qırx qazan yedi doydu!

Qaçaq qulduru soydu!

Hasan gözlərin oydu!

Yazdı Tanrı, oxudu tar

Pəncəm əlcək oldu dar

Çəkdi nərə Gəncə, qorxdu çar

Kür qırağın əcəb seyrangahı var

Xarı bülbülün səsi

Sirrlərin xəzinəsi

Hər yükün öz Fitnəsi

Xüdafərin, Şimal, Cənub, Şərqlə Qərb

Birləşdi Kürlə Araz

Köhnə nəsil, yeni nəsil

Mənim içimdə

Leyli Məcnunun yanında

Kərəm Əslinin yanında

Müşfiq dincəlir bağında

Rövşən Misrinin yanında

Çırpınan bir dəniz, özümə qarşı döyüş Çaldıran

Yanar dağ Zərdüştü yandıran

Bir çomaq Bəhr-əl-Əhmarı ayıran

Yanan kol həqiqəti bağıran

Xeyir ilə Şərin

Doğru yalan arası yer var, orda görüşək

Atəşböcəyi təkin od vura zəmilərə söz közü

Sükut alışa, aşıq alıb sazın danışar

Yeniçəri tanır atasını barışar

Canım Mərcan Ağacı, uzaqlaşdıqca budaqlarım kökümdən Yarpaqlarım öz qanıma qarışar

Mənim içimdə

Yeddi Gözəl, Oniki Boy, Qırx Şikəstə, İyirmi Soy

Mənim içimdə

Sinəsi qarlı, başı dumanlı, gözü tufanlı, dəlisi qanlı

Çənlibeldə bu gün toy

Hoydu dəlilərim, hoydu!

Qırx qazan yedi doydu!

Qaçaq qulduru soydu!

Hasan gözlərin oydu!

Yazdı Tanrı, oxudu tar

Pəncəm əlcək oldu dar

Çəkdi nərə Gəncə, qorxdu çar

Kür qırağın əcəb seyrangahı var

Xarı bülbülün səsi

Sirrlərin xəzinəsi

Hər yükün öz Fitnəsi

Xüdafərin, Şimal, Cənub, Şərqlə Qərb

Birləşdi Kürlə Araz

Köhnə nəsil, yeni nəsil

Mənim içimdə

Leyli Məcnunun yanında

Kərəm Əslinin yanında

Müşfiq dincəlir bağında

Rövşən Misrinin yanında

Çırpınan bir dəniz, özümə qarşı döyüş Çaldıran

Yanar dağ Zərdüştü yandıran