حدود Lyrics

غمّضْ عيونك وتذكّر

فَتّحْ عيونك وتخدّر

كل ما تفتح باب بتسكّر

اُترك الأسباب للّي موهوم بالحياة

وأنت رايح غاد اِنسى العالم وانساني معاه

آخر واحد بعرفه دوّر عَ الأمل ما لقاه

بس فتاه

مع إنّه العلم اللّي براسه بايت

ما زقى الزّرّيعة هيك ماشي مش فارق

ما بسمع طخّيخة عَ السكّين

وعلِّم عَ البطّيخة

بغمّض عيوني ما بدي أشوف أي حد

بفتّح عيوني ورود عَ الخد

أعطيهم عَ القد

خلي بينكم ألف سَدْ

أوعك تتقرّب من دينهم

حتى لو شايفهم لِحفة بعِزْ البرد

العالم برّا حدود الغرفة يَعْ بيقرفوا

كل طنجرة لقت غطاتها وإحنا اللّي طلعنا المِغرفة

لازم تتقِن الحِرفة وتسيبهم يوقعوا

عُقَدْ عُقَد ولا ربّاط البوت وإذا طالب حل خود

فيك ترفع حيط ما تلِف وتدور

يا بتظَل مكانك هنا مجبور

تبني جسور وعلاقات

ووجعة راس وعادات

وهيهات هيهات

نرجع نلعب دار ودور

مدفون بالحياة ما بشعر بالحياء

مجنون

إذا بتفكر حالك مدفون لحالك، يا أهبل

أنتَ مش محور الكون ولا إلك أهميّة أصلًا

شوف كم حدا بيموت

بالليل المخدّة بتشرب ميّة

بنشوف الويل من قبل ما يطلعلنا لِحية

بشبِه الليل طويل كثير كئيب يا خيي

طابعة ناقصها كتّيب ملّيت وأنا بكتب بإيديّ

لحد ما الجسم بلّش يخذَل ويبيّن عليّ

بكون مبسوط محضِّر سهرتي كل ليلة

على ما يبدو لك بكون حزين

من فترة ما قعدت مع نفسي مدّة طويلة

وأحاول أنسى السنين

ما علّمونا غير

كيف نيتّم القلب

كيف ما نقدّم السبت

خوّفونا من كل وجوه

ما تحشر الرب

كيف نخبّي هالحرب

كل ما تزيد معرفتك بشيء بيقل الكلام

اللّي بتحتاج تقوله فبظَل واقف

بحكي معلش أو بتغطّى وبنام

بتخطّى بدون ما أتأثّر وبظَل أنا

كلام ورايح بالهوا شو ما حكى

طب بتصدّق

كتير أشياء بتشكِك

بس في كلام بنقالش

ما تدقق

أنا مش إمام بحرِّك

مشاعر

سمّيه غُش ودراما

اِطلع بخيالك طُش

دخّن وانفخ بوجوهم

هُف

بنجري بنجري في هالغابة

راح نقوم نحرق درب التبّانة

فش هنا حدود فش هنا حدود

الرّدود بتخرج ملفوفة بملاية

بنجري بنجري في هالغابة

راح نقوم نحرق درب التبّانة

فش هنا حدود فش هنا حدود

الرّدود بتخرج ملفوفة بملاية

إلهي السّجينَ لدى الأنبياء

إلهي السّجينَ لدى الخلفاء

إلهي السّجينَ لدى الرؤساء

لماذا نَزَلتَ إلى أرضهم وأسكنتني غيمةً في السّماء؟