![عشان تعيش](https://source.boomplaymusic.com/group10/M00/08/14/6c70bcd786e843ecb210e1d04343d6ac_464_464.jpg)
عشان تعيش Lyrics
- Genre:Hip Hop & Rap
- Year of Release:2017
Lyrics
إحنا حُماة الوطن
في السرّا والضرّا
واللّي يصاحب الفساد
رح ينطرد برّا
الثّورة حالفة لتحكُم في بلد حُرّة
ومهما كان اللّي بيطبطب على الفاسدين
الثّورة ملهاش عينين اثنين
إلها ملايين
وما دام ضمير الوطن عيّنكم مؤتمنين
اوعوا تسيبوا مصيره في إيد ناس تانيين
واوعوا تستهينوا بغَضْبِة الثائرين
بتنزف وطنيّتنا
شككتوني بأصِل طينتنا
ما تحكي عن عدوّنا
ضيّعوا الوطن لتضيع
آه أنتَ المقصود
بالحزب بس التلميع
عنصريّة سُود
يا شايب يا عايب
سايب حق العودة
إحنا ما إلنا قائد
وأنتَ يا دوبك نملة
بس اِبعد عنها فيها رجال يقفوا صَف صَف
وأنتو ظَلكم على جنب خلصوا فضايحكم بتنزَفْ
قِف، حَف ذقنه طلع بنفسيّة صلاح الدّين
انتصرنا قام وشحد وين الملايين؟
طلعوا قالكم طُز فيكم مصاري زي الرُز
مش بقرف غير من اللّي بيطبطب وبكتافه بيهز
طب علّي الكوفيّة
ازرع واحصد ليمون
طب غزّة مطفيّة
معلش أنتو اللّي حكيتو بتهون
طب افتح المجال للهِجرة
في طاقة هفرّغها برّة
مش هقبل أوقف مكاني
أنا عكسك بتطلّع لبُكرة
وإحنا وقتيش بدنا نصير زلام
تُجّار الوطنيّة كتار نهبوا منّا الأحلام
اُنشر الفكرة مش خايف ييجي نهار ما تصحى؟
بحاول أزحزح بالأصنام الوقت بيمشي بسرعة
باقي كلامي للشّعب
خليكم على البركة
بيكفي برم ولعن وسَب وانتمي لأيِّ حركة
عشان تعيش
اِعبد مسؤول وصلّيله
حتوكل عِيشْ
تمشي طرطور وتكون ذيله
خلّص وقت اللّي كانوا قبل
أجا وقت فصيل تاني بيستنى مِن قبل
أجا دوره يتشعبط ويلعب على الحبِل
فش حُكم بيدوم العَجَل بيدور
وهييجي أوسخ
بنزرع بس بدون بذور
القاعدة لسّه بتتزحزح
فيك
تموت مرّة أفضل ما تموت باليوم أكثر من مرّة
لهيك
معاك خيارين
توقف ضد العرص تحكي بوجهو إخِص
أو تكون سحّيج مع هالقطيع وتبطّل تحِس
وإحنا وقتيش بدنا نصير زلام
تُجّار الوطنيّة كتار نهبوا منّا الأحلام
اُنشر الفكرة مش خايف ييجي نهار ما تصحى
بحاول أزحزح بالأصنام الوقت بيمشي بسرعة
وإحنا وقتيش بدنا نصير زلام
تُجّار الوطنيّة كتار نهبوا منّا الأحلام
اُنشر الفكرة مش خايف ييجي نهار ما تصحى؟
بحاول أزحزح بالأصنام الوقت بيمشي بسرعة