هيك صارت Lyrics

جرّب امشي في غزّة وبعدها قارن كيف وصارت

فبرك ڤيديوهات وهات صوتك غيّر مسارك

اِضوي اللِّد ومِد وسِد الدّين اللي ظَايل لجارك

هُم هيك بدهم يوصلوك لمكان وتتوه وتظَل لحالك

عشر سنين ساكتين

ما تضحك عَ حالك وتحكي صامدين

شو مستفيدين؟

شفنا منهم كل شي ما إلو علاقة بالدِّين

ذُل وعار وفِتن

حتى الشّهيد مالو ذكرى اندفن

الأغلبيّة العظمى سحّيجة

إرميلو عَظْمة زي الكلب هيجيبها

زكّرني بفترة عشر سنين إصلاح

إحكيلي تغيير واحد منكو وإنكو كنتو لأنكم مناح

يا إما خُذ صوتي لناس بتعاطوا نِفاق

يا إما اكتم صوتي، سكوتي لكل الجهات

صدق اللّي قال اللّي استحى مات

الطفل في غزّة طموحه يفتح بسطة قبال الباب

يحضَر حصّة تفيدو لبكرة، في الكلاب عملوا أحزاب

أنا خرّيج واقف بطوله شوف الكشوفات

طِلعَتْ بطالة لـ100 خرّيج والباقي مات

هات كابونات وخُذ صمود

جيتو عَ البلد انبلت غموض

نفس الفساد زاد بس من تحت لتحت

هلكتونا بالقيل والقال، رأيي مش مهم فسكتت

هنظلنا عَ نفس الحال، ومش رح تتحرر هلوقت

أو بالأحرى مش إحنا بالزّبط

اللّي برّا اقتنعوا إنهم شرف الأمّة

فنفخوا حالهم وطلعوا مُهِمّة

وأقنعوا غزّة إنه هذا انتصار بإصرار

وهي اللّي صار

فمن الطبيعي إني أعيش مظلوم

ماشي جنبك مسجون

من القانون، جنب الحيط في زحمة

وأنا شو ما بدّي بقول

صوتك أمانة

أمانة ما تعيد هالجملة

شكّيت في صوتي أجيت أجرّب

هوّا أنا ظَايل بعمل راب حر وبدُق عََ الكلمة

بيطلع كلامي بِغُل أكثر وأنا قاعد بالعِتمة

بنصح تسمع بس كلمة من واحد بعمل راب زيي يا رِمّة

متشيلش وردة من مكانها المُفترَض

شيل أيّ حجر في الطريق ما تقطعوا

اِشغل الفاضيين اِعطف على صحاب المَرَض

متنامش غير لمّا كل اللّي حواليك يشبعوا

متشيلش وردة من مكانها المُفترَض

شيل أيّ حجر في الطريق ما تقطعوا

اِشغل الفاضيين اِعطف على صحاب المَرَض

متنامش غير لمّا كل اللّي حواليك يشبعوا