حقك Lyrics

الذُّل طعمه مُر

ما بطيقُه الحُر

خمسة ستّة بينعدّوا عَ الأصابع

كلامهم طالع بيفِش الغُل

اثنين مليون مالهم لُزوم

وين الحِلم اجتاحك الهَم

قوم طالِب بحقّك اِعمل Zoom

لكل فضايحهم.. ولك

زيّي زيّك بطالب بعدالة

بس مش زيّك لأنه صوتي عالي

وأنتَ مليان همالة

بيكفّي نذالة ما بعترف بقيادة

يسقط كل حد ساكت

ومداري الوجع

وتمر أيام تحت الحْرام

بيفرّغ الوجع قبل ما ينام

تجمّعنا كلنا نتوحّد نرفع نفس الرّاية

الثّورة بالمخيّم من المخيّم جايّة

الحريّة نعمة بإيديك

سرقوها منّك في البداية

ارفع علامة النّصر ظُلمه كفاية

أُوقَفْ ضد كل حد ماكل حقّك كاتم صوتك

كسّر قلمك وأصبحِت مُنهار

إيدكم في إيد بعض

ما تنسى حلمك

ما تنسى ألمك

جوّاك إعصار

بكرة هييجي نهار

مخيّم جباليا بأعلى صوت بينادي

بنطالب بالحريّة

الحريّة لكل بلادي

شباب الشّاطئ لبّوا الندا

من المغازي بيطلع الصدى

من الشّمال للجنوب رح يوصل لأبعد مدى

كيف بدي أحرّر بلدي ومَطْلبي أساسي

بموت عشرين ساعة قطعة كهرب وأربع ساعات مهموم

شكّيتوا بانتمائي لأنّي حكيت ما بيدوم الظلم

يا أخي سيبوا الكراسي فش شَبَكْ ولا goal

تجمّعنا كلنا نتوحّد نرفع نفس الراية

الثّورة بالمخيّم من المخيّم جايّة

الحريّة نعمة بإيديك

سرقوها منّك في البداية

ارفع علامة النصر ظُلمه كفاية