![عروض](https://source.boomplaymusic.com/group10/M00/08/14/6c70bcd786e843ecb210e1d04343d6ac_464_464.jpg)
عروض Lyrics
- Genre:Hip Hop & Rap
- Year of Release:2017
Lyrics
مُقاومة وعُروض
وتنسيق أمني وعُروض برضُه
في غزّة وفي ضفّة برضُه
في اللّي نسي أرضه برضُه
كلهم التهوا بالحُكم
انتهوا إنهم ينهوا شعبوا
استحى وساب المنصب لابنه برضُه
عنّا المسؤول زي النّسوان بيطلع بيقول
شعارات فارغة وهو فعليًّا بيدعم إسرائيل
بطريقة أو بأُخرى
باسم الدّين
أو بالأَخرى
فلسطين تنباع وادعموا ولاد الفصيل بس
رح تنعموا بسلام
ونأمّن معكم الحدود
ونبني شارع اسمه (جَكَرْ) ونحكي هوّ الصمود
قالنا كم سنة وبنعود
الأمل فينا موجود
وبنستنّى وقود لتيجي الكهرب لسّه
البوصلة مش عَ القدس
على كل شُبّاك كابونة
عنّا كتير عرصات
فالبلد بدها صابونة
حنظلة وجهه داير
يعني افهمها عَ الطّاير
أصغر طفل عنّا بيقاوم
أكثر من دمّه فاير
ولك ناولني المِقلاع
قبل ما يشنّوا الغارة
الحجر مش حيفيدك
ورح نصنع طيّارة
الوطن انباع يا أتباع
وفيكم اوصلنا للقاع
مش عَ الليستة أرضي لمّا جدّي سلّمني المفتاح
والعودة أكثر بتقرّب مع كل سكّينة بتنغرِس
إنخرِس
مين قيّمهم كَفَكْ مفترس
أي هذا الجيل اللّي بدّو يحرر فلسطين؟
شايف شو لابسين؟
مسحّل بنطلونه وحالق شعره (مارينز) شبه الإسرائيليين
شايفين؟
مين كان أوّل موجود؟
لمّا اغتصبوا القدس
لِحيتك انضبّت مش سامعلك ولا حِس
الشّعارات والعُروض وينهم
كل هذا كان نقص
إخِص