Zaraiko x AnnieJ Lyrics

Ny ahy zaraiko amin'ny fomba tsotra

Tsy manank'atolotra fa noezahako mihintsy hoe ny ao anatin'ny foko no hitsotra

Tsy ilaiko porofo ara-materialy, fa amin'ny natoraly

Ny tanana ihany ny ahy no atsotra

Inoako fa hoe sarotra raisina

Satria tsy hitan'ny maso tsy hita ivelany, tsy hita na akakaizina

Marina hoe fa hery ao anaty no fohazina

Sarotra no hilaza hoe avadiko mazava ny maizina

Ekeko, mety hoe tsy hitovy amin'izay omen'ny olona no omeko

Tsy midika zany hoe fahalemeko,tsy haiko

Mifampitaiza ny fitiavako sy ny kolontsaiko ka zay ny mahatonga ahy

Mizara an'izay nomaniko tato an'tsaiko

Ny harena anaty aho manana maro

Tsy manana sandry fa ireny apinga ho zaraiko mba hiaro

Rehefa ny fo mifangaro no homen'danja miharihary

Mivaha daholo izay misakana rehefa iny miara-miary, isika

Ho zaraiko izay ahitako azy hoe mety

Ka mba raiso ô..eo mba ho ento any

Foiko omena izay tsara ato anaty

Ka mba raisô

Hiaraka hanana elatra hanidina eny

Na vola aman'karena tsy handaitra

Satria moa lefy raha mizatra sahady miaina amin'ny haitraitra

Hiara hianatra isika hiaina ny mamy sy mafaitra

Rehefa vita izay

Izay atao rehetra mety sy mie-raitra

Fiadanana anaty, izay no ezahana ho tratra

Mahay mifandray am-po no himasoana amin'izay tsy mifandratra

Loharano tsy ho ritra, ary tsy ho hay ho afatra

Ho zaraiko hanome aina sy hiboiboika ao an'tratra

Nangoniko toy ny hery fiarovana hiorenako amin'ny fototra mafy

Any indray andro andeha hiara-hioty izay nafafy

Na iray segondra monja mandalo tsy ho avela ho nofy

Satria oa nahafantatra nihafy

Tsy afeniko, zaraiko am-pitiavana, ary tsy ho neniko

Raha misy tsy mety ny teniko

Tsy olana iny ho areniko

Ny mpanenjika any aoriana, tsy ahoako, tsisy henoko

Satria maro ny nomaniko ato anaty diam-peniko

Hiainga

Ho zaraiko izay ahitako azy hoe mety

Ka mba raiso ô..eo mba ho ento any

Foiko omena izay tsara ato anaty

Ka mba raisô

Hiaraka hanana elatra hanidina eny

Atolotro aminy foko manontolo

Zaraiko,Afoiko manontolo

Dia anjakantsika ny eo amin'ny tontolo,iadanana

Tsy hoe ory, tsy hoe manana fa omeko izay an'tanana

Raha mety aminao, ndao handramana

Raha tambiny manokana,tsoriko, tsy miandry aho

Fahatokisana ihany dia efa manana saina mandry aho

Tsy mifaninana amin'iza na iza, fa hiaraka hamisavisa hamakivaky ireo andro iainana sisa, yeahhh

Samihafa ny lasitra tamin'ny nitaizana

Mety raha ny Fo mafana no hifandiso mazana

Mila, mifankalala mba hanome fahazavana

Efa dila ny sy ela ilay hoe fahazazana

Lasa, lasa alavitra rehefa manam-pinoana

Raha misy tsy ampy, dia izay hita eny an-dalana am-pifamenoana

Raketiko an'kira, any indray andro ho tsaroana

Dia amin'izay fotoana izay, ny fitempon'ny fon'tsika no henoina

Miaraka

Ho zaraiko izay ahitako azy hoe mety

Ka mba raiso ô..eo mba ho ento any

Foiko omena izay tsara ato anaty

Ka mba raisô

Hiaraka hanana elatra hanidina eny