Dieny izao x AnnieJ Lyrics

Tsisy nateraka ho resy

Natao hiaraka hiroso

Samy manantena ho mpandresy

Samy nomena ilay rivotra, mba hiaina

Samy miandrandra hoe mbola ho avy ilay maraina

Tsy hanaiky mihintsy ny handoalika eo zany fa mbola miady io

Mbola ho lava ny lalao

Tsy hiandry an'I anona sy anona eo zany fa avy ao anaty io

Itaro ny saina alalao

Ny kisendrasendra ry namana tsy natao hitokisana

Nilofo mafy ianao matoa ikoizana

Eh, Ny fo izay azom-pamoizana

Dieny izao sitrano akaro ny motivaka ho tohizana

Ilay feo mibitsika milaza ny ao anaty fa hoe ho vitako io

Vita lesy io e, Tairo

Aza sakanana, ilay herim-piniavana fa tsy hamitaka io

Ny saina bokona hiaro sy hitaiza

Ataovy an'tsainao ny hiezaka hatrany

Safidy miankina aminao rery ihany

Dieny izao, tsy ho varina eo fotsiny miaina

Miandry anao ilay anjaranao atomboy dieny malaina

Amin'izay ketrehana, aza manaiky

Alaivo amin'ny an-tsipirihany

Dia atomboy amin'ny tanjona akaiky

Tsy ho etin'ny fo. Tsy mihaino izay manakiana

Dieny izao alaviro izay mety ahapi-taraiky

Mahaiza foana mandray izay hevitra amin'ny ilay tena votoatony

Tsy ny endrika ivelany fa ny endrika anatiny

Aza mifidy sarangan'olona henoina sy tsy henoina

Ny tsirairay samy manana ny lanjany aza hadinoana

Ezaho, ny hoe mahasoa hatrany

Aza lany andro miady hevitra raha hampidina ambany

Azony mafy ilay nofy izay ho tanterahina

Lanjalanjaina ny akama izay tokony iarahana

Tokony hahay haneho hevitra amin'ny toerana rehetra

Mahay ny manda. . sy hoe hatreto ihany ny fetra

Miaina ankalalahana fa kosa, misy fepetra

Ny tanjona tokana, ho bonetra ambonin'ny bonetra

Ataovy an'tsainao ny hiezaka hatrany

Safidy miankina aminao rery ihany

Dieny izao, tsy ho varina eo fotsiny miaina

Miandry anao ilay anjaranao atomboy dieny malaina

Antsika Madagasikara ralah

Tsy miandry mpanao politika

Hisolo vava amin'ny toeran'ialahy

Tsisy hanatitra iray kapoaka velively an'ialahy any ambovo

Fa isan'andro mila mianatra mila manovo

Mila, ampitomboina ny angovo

Tsy mihataka alavitra nefa maharaka foana ny moov mandalo

Ny rehetra mandalo tsy azo hianteherana

Mahaiza manakaiky ireo olona mitovy fiheverana

Manaova liam-pivoarana amin'ny sehatra rehetra atao

Mba tsy ho vendrana toy ireo be palitao

Jereo foana ny kalitao, fehezo dia aparitao

Na lavitra sy lalina hiampitao

Aza avela hoe ny hafa no hibaikobaiko sy hanova ny toetra

Ny tsara vita lesy na hoviana na hoviana mitoetra

Tsarovy fa ilay avo irery ihany no afaka hametra

Miakara, ambony noho ny rehetra rahalahy

Ataovy an'tsainao ny hiezaka hatrany

Safidy miankina aminao rery ihany

Dieny izao, tsy ho varina eo fotsiny miaina

Miandry anao ilay anjaranao atomboy dieny malaina