ឈាមប្រឡាក់ដៃខ្ញុំ Lyrics

ឈាមក្រហមខ្មៅ ប្រឡាក់ដៃខ្ញុំ

ឈាមនេះឈាមអ្វី? គឺជាឈាមស្រី ដែលខ្ញុំប្រហារ

ខ្ញុំជាឃាតករ សម្លាប់ភរិយា ដែលចិត្តសាវា

លួចមានសង្សារ ក្បត់ខ្ញុំក្បត់កូន

ឈាមក្រហមខ្មៅ ប្រឡាក់ដៃជោក

ចិត្តប្រុសក្នុងលោក ស្រីផិតស្រីបោក អ្នកណាទ្រាំបាន

ក្រពុលមុខខ្លាំង មោហ៍បាំងមិនខាន

ប្រហារឱ្យបាន រួចទើបភ្ញាក់ប្រាណ តែហួសអស់ហើយ

កូនអើយ! កូនតូច ថ្ងូរថ្ងួចរកម្តាយ

ស្តាយអាណិត ខុសមួយជីវិត ព្រោះចិត្តឈឺផ្សា

ពីថ្ងៃនេះទៅ កំព្រាមាតា

កូនអើយ! កូនប៉ា ប៉ាសារភាពថា ប៉ាខុសហើយកូន

ចិត្តខ្លាំងក្លាយខ្លួន ជាអ្នកសម្លាប់

មិត្តអឺយ! ចូលស្តាប់ កុំត្រាប់តាមខ្ញុំ មនុស្សទោសឧក្រិដ្ឋ

ត្រូវកាន់ចិត្តបុណ្យ ចិត្តទន់អាណិត

ស្រីណាក្បត់ចិត្ត គិតថាជីវិតលោកនេះធម្មតា

ចិត្តខ្លាំងក្លាយខ្លួន ជាអ្នកសម្លាប់

មិត្តអឺយ! ចូលស្តាប់ កុំត្រាប់តាមខ្ញុំ មនុស្សទោសឧក្រិដ្ឋ

ត្រូវកាន់ចិត្តបុណ្យ ចិត្តទន់អាណិត

ស្រីណាក្បត់ចិត្ត គិតថាជីវិតលោកនេះធម្មតា