បើគ្មានអូន Lyrics

នៅក្នុងជាតិនេះ បើសិនរៀមព្រាត់ពីពៅ

រៀមស៊ូរស់នៅ តែឯងឯកា

មិនឱ្យលោកិយ ជេរស្ដីថាចិត្តសាវា

ព្រោះកាមតណ្ហា បញ្ជាបានទេ

ទ្រាំខ្មាសទ្វីបលោក សាងជោគជាជនសំណល់

ដើម្បីតម្កល់ចិត្ត ទុកជូនស្នេហ៍

បើសិនរូបអូន ជាក្បូនបងពីបុព្វេ

គ្មានអ្វីមកផ្ទេរ ឱ្យព្រាត់ប្រាសបាន

ជឿចិត្តរៀមចុះស្នេហា ចិន្ដាកុំស្មាន

ថាចិត្តរៀមប្រែ ចោលកែវកល្យាណ

បោកប្រាណឱ្យព្រួយ ព្រោះតែវាចា

រៀមសល់តែចិត្ត ជីវិតដែលមានភក្ដី

ប្រគល់ជូនស្រី ជាទ្រព្យចិន្ដា

សម្រាប់លួងលោម បីបមថ្នាក់ថ្នមកាយា

កុំបីស្នេហា ព្រួយបារម្ភឡើយ

ជឿចិត្តរៀមចុះស្នេហា ចិន្ដាកុំស្មាន

ថាចិត្តរៀមប្រែ ចោលកែវកល្យាណ

បោកប្រាណឱ្យព្រួយ ព្រោះតែវាចា

រៀមសល់តែចិត្ត ជីវិតដែលមានភក្ដី

ប្រគល់ជូនស្រី ជាទ្រព្យចិន្ដា

សម្រាប់លួងលោម បីបមថ្នាក់ថ្នមកាយា

កុំបីស្នេហា ព្រួយបារម្ភឡើយ

កុំបីស្នេហា ព្រួយបារម្ភឡើយ

កុំបីស្នេហា ព្រួយបារម្ភឡើយ