បញ្ចពិធកល្យាណី Lyrics

ឱ! នារីដែលបងពេញចិត្ត

ស្មើនឹងជីវិត គឺបញ្ចពិធកល្យាណី

មានតែអូនទេដែលចិត្តបង បំណងបេតី

ក្រោមមេឃលើដី គ្មានស្រីផ្ទឹមបាន

តាំងពីកើតមកបងមិនដែល

ឃើញឡើយណាអូន រូបដូចគេសូន ពីសួគ៌ាឋាន

រូបសម្រស់សម្ផស្សទាំងប្រាំ បំភ្លេចមិនបាន

ខ្វល់ខ្វាយក្នុងប្រាណ រាល់សាយបាត

រៀមចង់បានតែ បញ្ចពិធកល្យាណី

ទោះបីលំបាក ក៏ខំសង្វាត

បើសិនបានកល្យាណមកហើយ មិនឱ្យអូនឃ្លាត

រាប់រយជាតិ បងសូមថ្មមបី

បើសិនជាវាចាមិនសម នាំអន់ចិន្ដា

សូមតែមេត្តា ណាកល្យាណី

កុំបំភ្លេចពាក្យពេចន៍សំដី ដែលទន្សាយព្រៃ

អង្វររស្មីនៃព្រះចន្រ្ទា

រៀមចង់បានតែ បញ្ចពិធកល្យាណី

ទោះបីលំបាក ក៏ខំសង្វាត

បើសិនបានកល្យាណមកហើយ មិនឱ្យអូនឃ្លាត

រាប់រយជាតិ បងសូមថ្មមបី

បើសិនជាវាចាមិនសម នាំអន់ចិន្ដា

សូមតែមេត្តា ណាកល្យាណី

កុំបំភ្លេចពាក្យពេចន៍សំដី ដែលទន្សាយព្រៃ

អង្វររស្មីនៃព្រះចន្រ្ទាៗ