IMTEHAAN Lyrics

Ghar se bahar chaar din aur char sau sawaal

Peechha na chhodte ae parchhaayi pe hai sawaar

Doobta suraj deta chaar ummeed ki saansein

Kal ka suraj imtehaan leke hai tayaar

Imtehaan kya sapno se pyar karte sachh me?

Kya tab bhi ladhoge jab pichhese hat jaye apne?

Kya aaj bhi lagate ho utnahi jor jab

Tumpe sabki thi aur ab nahi kisiki najre?

Kaise badhoge jab mehnat pe na mil rahi taali?

Kabtak ae zidd? kabtak yun kaam krke bhi jeb khali?

Kya phir bhi suni dil ki? logon ki baatein taali?

Ya lagna shuru sabki baaton me hai samazdaari?

Kya unki baatein hoti dikh rahi hai sachh?

Samay ke saath haathse chhoote sapne sabb?

Kya aaj bhi jaari taare todne ki latt?

Ya lagta ghoomte kaante layenge na apna waqt?

Ghoomte kaante layenge kya apna waqt?

Mile na jawaab saare khali haanth aya ghar

Uss din logonki baatein krne lag gayi asar

Pal bhar mein maanli haar, kaant diye khudke parr

Udne ki khwaish pe haavi hua girne ka darr

Agle din mai bhi

Gardan neeche haath peeche

Ho gaya tayaar chahe sehni padi lakhh cheejein

Rahunga door iss sapno wali baat-cheet se

Sunke chhod dunga chahe dil ae laakh cheekhein

Laakh chheetein sharir pe leke ghuma uss din

Sapno ka gala ghont bn gaya tha buzdil insaan mai zinda

Par saans lena mushkil

Har pal me dua karta jaldi se aaj ki raate beetein

Najar me dhalta sooraj, ummeed ki saansein baaki thi

Ek din ka kaidi banke, keemat jaan li azadi ki

Lagne do waqt ab...hoga samjhouta nahi

Phirse na galti kisi aur ki baaton me aaneki

Meri mehnat ka maksad taali ki awaj nahi

Ae khali jeb mita sakti mere khwaab nahi

Haa sapno se mai pyar karta hoon sachhme

Mai unse reh sakta hoon jyada der naraj nahi

Ae jo seekha aaj rahega saath kal bhi mere

Dil ko chupp karna matlab

Jeena galatfehmi mein

Meri life mei life kaisi thi

Jab

Na mere usool nahi chal rahi meri marzi se

Teri life teri life kaisi hai

Jab

Na tere usool nahi chal rahi teri marzi se

Mai phir se bahar chaar din aur char sau sawaal

Peechha na chhodte ae parchhaayi pe hai sawaar

Doobta suraj deta chaar ummeed ki saansein

Kal ke imtehaan ke liye mai hoon tayaar