Zwoanezang Lyrics

Lamgevochten, niemi wetend wien of wa da werkt

En wuk da me vorut kut elpn of beperkt

Sterk woater, vulle gloazen en e kogel deur de kerk

Me hele wereld ligt an diggelen, mor ik en der nietn van gemerkt

Holle ogen, beelden beelden niet mi beeldigs ut

Men onvermogen is redelijk resoluut

Vastgevroren an me sofa, bananeschellnspeln speeln

En vanup de groend lachen met men eigen voorgestelde zelfbeeld

Tis idder groen lachen, bitter deur dakt slichte

Nie kun goedlachen, ijverig nerveus up twa goed wachten

Kwelgeestn in me voetstappen

Flusteren me hele stille stemmetjes dak juste mo moen poen pakken

Goedlachs in conversoaties, up afstand

Een uppervlakkig territorium woadak me vlag plant

Dromend van e grasland, en kabbelende beken int geburte

Te midden van ol de drukte

Brullende vierwielers en metalen rupsen

Lichtgevend glas in de living met gin enkel echt verhaal tussn

Bezigoedingstherapie, et nieuws is niemi nieuw

Mor t'erkauwen van vertrouwde polemiek

Hysterie, zwavelmonsters in de oceanen

Up weg no winkelketens met de zworte zwoan

Ecocrisiss met e strek der roend, heksesoep

En gek genoeg, de mens proeft en smelt, wit lik nietn niemi gedoan

Soms ek gin kracht mi voe te vechten

En lijkt de hele moatschappije no de klootn

Kuk et nie eens relativeren in me teksten

Gin zwoanezang ter wereld die me nu nog zoe kun troosten

Soms ek gin kracht mi voe te vechten

En lijkt de hele moatschappije no de klootn

Kuk et nie eens relativeren in me teksten

Gin zwoanezang ter wereld die me nu nog zoe kun troosten

Dove oorn, klanken klinken niemi harmonieus

Volsche noten, me levensdirigent is rancuneus

Overol verkleedfeestjes mo kmissen e kostuum

En de geschikte outfit krieg je meestol mo postuum

Te loate, de naalde skipt ol bie elke ploate

Worom ng nieuwe nummers losloaten

Ot muziek niemir ontroert, de kink in de kabel wordt gesnoerd

En de schouderlast zo zwoar is da niemand nog verroert

Versteven van de koede anpak zittek te rilln

Tleven is e squat oefening woa dak te zwoar an tilln

Olene zure regen die nog druppelt up de daken

En de oenschuldigheid die me ku raken

Chronisch investeren in verdriet, ellende

In niet, dat endigt, een endeloze rit int oenbekende

E beklemmende oentremmende manier

Woarup dad ieder deur geblokt stoat up e kier

E rutje van verandering met blinkende gordien'n

En e beeld van e bestoan ut de boeken, de series en de films

Et venijn, dat drenkt over de meubels is verdoken

Zest de gloazen wereld is in zen essentie diep gebroken

Mo tis ofgeschermd, lik de reste van je leven

Ot je scherm je be-schermt is nie letterlijk geweten

Mor anverd, de echte wereld bluf butn vizier

Mo das chill, want ze pushn digitaal vertier

Zoender ziel, mo we zien toch ol atheïst

Of seculier of beslist nie gelovig in iets

Butn us zelvn, de mens is centrum van et heelal

Toet dat de show is up zen ende gekomn en et doek valt

Soms ek gin kracht mi voe te vechten

En lijkt de hele moatschappije no de klootn

Kuk et nie eens relativeren in me teksten

Gin zwoanezang ter wereld die me nu nog zoe kun troosten

Soms ek gin kracht mi voe te vechten

En lijkt de hele moatschappije no de klootn

Kuk et nie eens relativeren in me teksten

Gin zwoanezang ter wereld die me nu nog zoe kun troosten

Soms ek gin kracht mi voe te vechten

En lijkt de hele moatschappije no de klootn

Kuk et nie eens relativeren in me teksten

Gin zwoanezang ter wereld die me nu nog zoe kun troosten

Soms ek gin kracht mi voe te vechten

En lijkt de hele moatschappije no de klootn

Kuk et nie eens relativeren in me teksten

Gin zwoanezang ter wereld die me nu nog ku troosten