Ossan oenderweg Lyrics

Ik zien ossan oenderweg, stoppen stoa nie up de planning

Ojt doel ziet in de weg ziej ossan up je bestemming

Doe je best, en lat je nie ofschriken deur weerwerk

Et ergst is nie daj faalt, mo daj et nie geprobeerd et

Dus ookol wit ek nie ossan woa dak gon endigen

Moek stappen durven zetten, me drijfveer veruitwendigen

Geloven in me dromen en me, hoop bestendigen

Vertrouwen up et pad en divergeren van't ellendige

Dus elke dag ziek als e kanse toet ontdekking

En et blootleggen van hiaten in de planning

Elk moment is in essentie kanse up e nieuwe richting

We zoen zoveel meer bereiken nie gebukt oender verplichtingn

Of verwachtingn, et doel is louter oenderweg zien

Zoveel meugelijk probeern te clashen met de perfectie

Tzien de kronkels en de dichtbegroeide wandelpaden

Dien us dwingn e stap te zetten en de route spannend maken

Dus et vertrouwen in je gevoel en zit nie stille

Of de tied goa je passeren en de klok is nie gewillig

Voe te stoppn of te vertragen, dus gokt nie met je dagen

Morgen is je nie beloofd en der zien zovele vragen

Die je binnenste bespoken, nog zovele dat de wereld te biedn et

Zovele daj nog wit in te geloven

Ot e dag is zonder zorgen, dus vulhardt in et beslissen

Bluft ossan onderweg of je got zovele moe missen

Dus zit nie stille of de tied go je passeren

Bluft ossan bewegen, zest oj rust wilt integreren

Zien we ossan oenderweg, stoppen stoa nie up de planning

Ojt doel ziet in de weg, ziej ossan up je bestemming

Zit nie stille of de tied go je passeren

Bluft ossan bewegen, zest oj rust wilt integreren

Zien we ossan oenderweg, stoppen stoa nie up de planning

Ojt doel ziet in de weg, ziej ossan up je bestemming

Der is gewenning, we houden van e comfort zone

Die louter is upgebouwd ut vertrouwde bestemmingn

Dus we wijken zelden of van voorgeprogrammeerde zettn

In essentie zien we ol ant woatertrappelen ter plekke

Mo der is zoveel t'ontdekken, zovele bloot te leggen

Zoveel paden te betreden, zovele te verkennen

Zoveel plekken en stoaten van zijn, voe te exploreren

Zoveel redens voe nie stille te zitten en te bewegen

Toch ist nie makkelijk in gang te schietn

Oje kampt met twijfels en rondom je weinig anders ziet

Benauwd voe wa te doen anticiperend up gevolgen

Die misschien nie eens bestoan, toch ziej derdeur bedolven

Ik en ook menshn misgedoan, verkeerde wegen ingesloan

Verkeerde dingn gezeid tegen de juste, de wereld

Zit soms roare in mekoar, der is gin handleiding

Of e dinne droad die deur t'verhaal lopt, de antijgingn

Die me richting utkomn, moek zelv in perspectief platsn

De flik flaks, de hele mikmak

Tmoment dak klik klak, zig zag stapn up me route zettn

Kris kras schommelen, ol rommelnd me gevoel upwekken

Wit ek dat wel goed komt, dus zet mo stappen

Ookol wit je nie no woa, onderweg goj et wel snappen

Actie komt ossan voraf an motivoatie, das e feit

Dus wandelt mee met ik ol wit je nie no woa dat leidt

Dus zit nie stille of de tied go je passeren

Bluft ossan bewegen, zest oj rust wilt integreren

Zien we ossan oenderweg, stoppen stoa nie up de planning

Ojt doel ziet in de weg, ziej ossan up je bestemming

Zit nie stille of de tied go je passeren

Bluft ossan bewegen, zest oj rust wilt integreren

Zien we ossan oenderweg, stoppen stoa nie up de planning

Ojt doel ziet in de weg, ziej ossan up je bestemming

Olles da rust roest,

Olles da roest breekt

Olles da brikt lijdt

Olles da lijdt, krimpt

Olles da rust roest

Olles da roest breekt

Olles da brikt lijdt

Olles da lijdt, krimpt