Kikkers Lyrics

Wuk ziet e leeuw ot ie kiekt no de moane

En wuk ziej gie oj kiekt no de moanen van e leeuw

Ziew ol e hele leven ossan onderboane

Voe nog steeds nie te beseffen daw in minder dan een eeuw

De hele habitat rondom en aangepast nor uze normn

Dat uze drang no luxelevens voe the few us vervormt

Dat we de wind niemir erkennen omdawe leven in e storm

Woa dat de winst van korte deur is mo de kosten enorm

Kost ek mo wordn wien dak in me stoutste dromen personifiëren

Et type superdokter die de wereld ku genezen

Van de kwalen dien ieder plagen, we plaagn en we pestn

En lik nie vele geleerd van vorige plaagn lik de pest

We loven traditie, en gesloten visie,

Overlopen militaire missies lik dat kampen in de zomer zien

Wen nood an intermissie, e nobele commisie

Die de nodige revisies steln dien us menshn topebriegn

Mo toen moet ieder schoon schip maken,

De tied van ofloaten is ol lang verleden tied

Nu zit karma up je hielen dus tracht nietn te beloazeren

De tied is nu voe ol daj in et leven doet met liefde te benoaderen

Tevele stoaren nor e beeld gift je blikschade

En et digitale zit nog mor in e beginfase

Quasi nie te stoppen, automatisch krieg je brokken

Want et monster wordt gevoed deur uze dagelijkse inname

We zien ant koken mo we weetnt nie

Kikkers die noois gon e prins wordn

Heldhaftig, mo de meeste plooien toet dan z'instorten

Iedereen gebroken deur oenwetenheid

We zien ant koken mo we weetnt nie

Kikkers die noois gon gekust wordn

Heldhaftig, sommigen ontplooien toet bewust worden

Mo toch ist er hoogstens wa verbetenheid

Olles et e reden, vroeger kost je makkelijk e vlucht boeken

Zoender daj je hoofd stuk moest maken over regels

Nu stoaj geïndexeerd in e register, met nie vele woordn

Tis lik dakke in de media olene ezels oorn

Of gok me boeksje te buiten lik e bladwijzer

Ieder liter air dak inoasemen makt me dag rijker

Schrievn is lik bijzaak gewordn bie de artiesten

Ja geweun not schole goan en je makt ol e klassieker

Tzien rare tijden, da gift roare resultoaten

Dus ik voarn met me moatn deur de pijn

Transformeren uze woorden no de doaden, dus we zien

In stoat voe woarlijks uze stoat van zien no woardigheid te bringn

Das essentieel oj wilt zuiver in de spegel kieken

Ze manipuleren us, oe dan zet doen da weet ek nie

Mo zen lik weer technieken dien us midden in de storm bringen

Ik vraagn men of of dan z'ol leegte kunnen toet vorm zingen

Zoe'n z'ol materie kunnen scheppen ut energie

Oevele ist er wel nog woa van de wetenschapsreligie

Van tegenwoordig, tis dogma achter dogma

Zest falsificoatië is verdwenen, ot et et nie voldoende in et plot past

Tis nie dak just mo pessimist zien, integendeel

Mo kzien een amalgaam van vele zaken samen in één geheel

Dus bundel ek et tope lik dat elk stuk poezië is

Wetend dat ieder consequentie volgend oois voe mie is

We zien ant koken mo we weetnt nie

Kikkers die noois gon e prins wordn

Heldhaftig, mo de meeste plooien toet dan z'instorten

Iedereen gebroken deur oenwetenheid

We zien ant koken mo we weetnt nie

Kikkers die noois gon gekust wordn

Heldhaftig, sommigen ontplooien toet bewust worden

Mo toch ist er hoogstens wa verbetenheid