Up e dag Lyrics

Up e dag, zieke niemi wien dak zien gewist

Up e dag, got de nagel diepe deur me kist

Up e dag, lat ek ik men ollerlatste oasem

Mo toet die dag bluf ek investeren in men noastn

Up e dag, zieke niemi wien dak zien gewist

Up e dag, got de nagel diepe deur me kist

Up e dag, lat ek ik men ollerlatste oasem

Mo toet die dag bluf ek elke dag verder roazen

Deur de woan van us bestoan

Soms kuk et ol niemi verstoan

Oe dat de hele wereld zomo is bedolven deur de woan

Dat we up deze wijze zoender gevolgen kun deuregoan

Up e dag, stukt heel da koartenhusje in mekoar

Up e dag, verandert uze wereld van decor

Up e dag, ist ollemaal te loate en gedoan

Mo toet die dag, bluf ek ossan onverbeten deuregoan

Toet dat de lucht niemi te oasemn is

Dat iedere kubieke meter oceoanwoater met vuiligheid verzoadigd is

Toet dat et amazonewoud nie meer is dan e schim

Van wat dat voorgesteld et vo dat optie werd voe winst

Toet dat pricavy e lang vervlogen luxe is

En overol ter wereld just nog Soma in productie is

Toet dat de emmer overlopt, en iedereen verdrinkt

Mo toet die dag bluf ek geloovn int alternatief

Up e dag, zieke niemi wien dak zien gewist

Up e dag, got de nagel diepe deur me kist

Up e dag, lat ek ik men ollerlatste oasem

Mo toet die dag bluf ek investeren in men noastn

Up e dag, zieke niemi wien dak zien gewist

Up e dag, got de nagel diepe deur me kist

Up e dag, lat ek ik men ollerlatste oasem

Mo toet die dag bluf ek elke dag verder roazen

Deur de woan van us bestoan

Soms kuk et ol niemi verstoan

Oe dat us acties in us leven nie gekoppeld zien an troanen

Of et verdriet, dat we ollemale collectief ervoarn

Up e dag, is niemand nog in stoat voe te genezen

Up e dag, kun we nie anders dan et ende vrezen

Up e dag, slokken w'us zelvn up en ziew verdwenen

Mo toet die dag bluf ek ik vechten, kpeizn nie an up te geevn

Toet dat olles no de klootn is

Toet dat iedere wijze van positief peizn lang vergeten of verloorn is

Toet daw ollemaal verbondn zien via neuralink

En j'in de winkels nog olene digitale euro's vient

Toet dat ieder stik natuur e reservoat is

Toet dat up iedere klokke ol veel te loate is

Toet an de latste druppel, toet dawt ollemaal beseffn

Toet die dag bluf ek vechten voer et kleine dat us nog rest

Up e dag, zieke niemi wien dak zien gewist

Up e dag, got de nagel diepe deur me kist

Up e dag, lat ek ik men ollerlatste oasem

Mo toet die dag bluf ek investeren in men noastn

Up e dag, zieke niemi wien dak zien gewist

Up e dag, got de nagel diepe deur me kist

Up e dag, lat ek ik men ollerlatste oasem

Mo toet die dag bluf ek elke dag verder roazen