និស្ស័យគ្រប់លក្ខណ៍ (Single Version) Lyrics

រសៀលទន់ទាបរសាប់ចិត្តក្រៃ

ជំនោរនិរតីដូចដង្ហើមស្រីពេលគេងលំហែអើយ

រលឹមផ្សែងក្រូចស្រោចស្រពមន្តស្នេហ៍

លន្លង់លន្លោចម្ល៉េះទេ ដូចអូនបំពេឲ្យកើយឱរា

មិនគួរនិមលស្លាប់ចោលបងទៅ

រឭកណាស់ពៅសក់រលោងខ្មៅនៅនឹងនេត្រាអើយ

រលកសម្ផស្សរលាស់គន្ធា

ព្រលឹងប្រលោមចិន្ដា

ខាបយកសង្ខារបងហើយណាស្រី

លាហើយទ្រព្យធនបុណ្យស័ក្ដិទាំងឡាយ

លែងឃ្លានហើយបាយ គក់ទ្រូងឲ្យធ្លាយទើបសមភក្ដី

ចង់រត់បង្ហូតឲ្យផុតផែនដី

ជ្រៀតជ្រែកពិភពដទៃ

ស្វែងរកឥសីមកជបជីវា

រៀមរត់ឲ្យស្លាប់សម្រាប់ជាតិថ្មី

រកព្រលឹងស្រីធាតុអូននៅដៃបងកាន់បង្ការអើយ

បើរស់វិញមែនរស់មូលផងគ្នា

ស្លាប់ទៀតក៏ពីរអង្គា

រួមឈាមស្នេហាគ្រប់លក្ខណ៍និស្ស័យ

រៀមរត់ឲ្យស្លាប់សម្រាប់ជាតិថ្មី

រកព្រលឹងស្រីធាតុអូននៅដៃបងកាន់បង្ការអើយ

បើរស់វិញមែនរស់មូលផងគ្នា

ស្លាប់ទៀតក៏ពីរអង្គា

រួមឈាមស្នេហាគ្រប់លក្ខណ៍និស្ស័យ