យប់ថ្ងៃអង្គារ Lyrics

យប់ថ្ងៃអង្គារអឺ! និន្ទ្រាលង់លក់

សុបិនច្បាស់នឹងភ្នែកបង ថាចន្ទអឺ! ពេញវង់ ប្រែអាប់រស្មី

ហង្សមានស្លាបហើរ ប្រែជាដើរដី

ទន្សាយប្រាជ្ញល្បី ចុះចាញ់សត្វខ្យង

ភ្ញាក់ហើយកើយទុក្ខអឺ! ក្តុកក្ដួលឱរា

ដួងចិត្តរៀមគិតស្រេចថា ឱ! គូសង្សារ ក្នុងគ្រានេះម្ដង

កម្មតាមពង្រាត់ ឱ្យព្រាត់នួនល្អង

ដូចចន្ទពេញវង់ ព្រាត់បង់រស្មី

ឱរាផ្សាខ្លោច អាណោចអនេក

តឹងទ្រូងស្ទើរបែក បានជាពីរបី

ដង្ហើមចង្អៀត ខ្លាចឃ្លាតរូបស្រី

ចុះកម្មពៀរអ្វី ក៏អាក្រក់ម៉្លេះ?

ថ្ងៃស្អែកថ្ងៃពុធអឺ! សូមផុតគ្រោះកម្ម

គ្រោះថ្ងៃ គ្រោះខែ គ្រោះឆ្នាំ

កុំមកចងកម្ម ឱ្យខ្ញុំនិរាស

សូមឱ្យគ្រោះកាច ខ្លបខ្លាចវិនាស

សូមជួបប្រទះ តែក្តីសុខអឺយ!

ថ្ងៃស្អែកថ្ងៃពុធអឺ! សូមផុតគ្រោះកម្ម

គ្រោះថ្ងៃ គ្រោះខែ គ្រោះឆ្នាំ

កុំមកចងកម្ម ឱ្យខ្ញុំនិរាស

សូមឱ្យគ្រោះកាច ខ្លបខ្លាចវិនាស

សូមជួបប្រទះ តែក្តីសុខអឺយ!