កាត់ចិត្តទាំងអាល័យ Lyrics

អនិច្ចាសង្ខារ ស្នេហាមិនទៀង

ជួនរាំងជួនភ្លៀង មិនទៀងសោះឡើយ

មិនថាមនុស្សសត្វ ក្តីវិបត្តិមានគ្រប់អាត្មា

មិនយល់ទាល់សោះ រស់ក្នុងជាតិនេះ

ទ្រូងអឺយ! ស្ទើរប្រេះ ព្រោះជីវិតអភ័ព្វ

ជីវិតស្នេហា មានអាថ៌កំបាំង

ឱ្យទ្រូងញាប់ញ័រចំប្រប់ ខំរំងាប់ក្តីអាល័យ

សុខចិត្តលះបង់ ត្រងត្រាប់តាមកម្ម

ទ្រូងអឺយ! ទ្រូងខ្ញុំ ក្រៀមក្រំស្ទើរក្សិណក្ស័យ

ស៊ូតែលះបង់ ចាកចោលក្ដីសុខ

ទទួលទុក្ខទាំងភក្ដី រីងរៃតាមព្រេងវាសនា

គិតទៅរឿងរ៉ាវក្ដីស្នេហ៍ មិនចេះចប់ទេ

ស្នេហ៍រយពាន់យ៉ាង នៅក្នុងលោកា

រឿងស្នេហ៍អភ័ព្វ គួរស្អប់ក្រៃណា

ចិន្ដាប្រាថ្នា ជៀសឆ្ងាយរៀងៗ

បើរស់រងកម្ម ប្រចាំរាល់ថ្ងៃ

នាំខ្មាសភពផែនដី ស៊ូក្ស័យប្រសើរជាង

ជីវិតរស់នៅ អាស្រូវយ៉ាងនេះ

គួរខ្មាសគួរផ្លាស់គួររាង នឹងជីវិតអាថ៌កំបាំង

ជីវិតអាថ៌កំបាំង...

កាត់ចិត្តទាំងអាល័យ អាល័យៗ...