Áhlaup á fangelsið

Þú sérð umferðina, þú heyrir í umferðinni. Og Kópavogslaugin bara þarna fyrir aftan. Þú heyrir í fólki. Einmitt, leikskólinn var þarna við hliðina á, er það ekki?

Það var bara allt neikvætt við þennan stað.

Mig minnir samt að mikið af þessu fólki sem var að vinna þarna hafi verið mjög gott, sko.

Það gerðust samt alveg fullt af ljótum hlutum þarna. En á mínum tíma, þá var þetta bara, - þær hafa kannski bara verið svona ánægðar að fá einmitt mig í hópinn, sko.

Og stelpurnar láta alveg í ljós ef þeim er illa við einhverja menn. Burt með þig! Þetta er mitt fangelsi! Út úr fangelsinu mínu. Sæktu um flutning. Þær eru svo fokking grófar sko. Ég bara skemmti mér konunglega.

Þetta var svo mikil eymd, þú trúir því ekki, sko. Og nýja kvennafangelsið, þetta er bara skelfilegt!

Það er líka gaman að kjafta við stelpurnar, skilurðu. Maður sat inni í setustofu og var að kjafta á kvöldin og segja sögur og smyrja aðeins upp á þetta, þetta var bara gaman.