ផ្កាអង្គារបុស្សអើយ (Remastered) ft. សុីន សុីសាមុត Lyrics

អង្គារបុស្សអឺយ! អូននៅទីណា? ឮតែវាចា មិនឃើញអូន

អូនឱ្យបងចាំ តែអូនបាត់សូន្យ ពុំឃើញរូបស្ងួន អូនខឹងរឿងអ្វី?

ហុឺម!... ប្រុសថ្លៃបងអឺយ! វាចាល្វើយៗ ស្រែកហៅស្រី

តែអូនមិនហ៊ាន ចេញជួបប្រុសថ្លៃ

តើព្រោះរឿងអ្វី ប្រុសបងដឹងទេ?

ស្ពានអឺយ! ស្ពានវែងៗ

ដែលយើងតាក់តែង កសាងទុក

យើងនាំគ្នាឆ្លង ជ្រកក្រោមម្លប់សុខ

ស្ពានយើងសាងទុក ជាស្ពាននិស្ស័យ

ខ្លួនអូនជាមនុស្ស ដូចគ្មានស្រមោល

មានរូបតែលតោល គ្មានទីដៅ

ខំសាងស្នេហា ស្នេហ៍គ្មានជម្រៅ

តើពេលណាទៅ ទើបផុតទុក្ខា?

ទុក្ខអ្វីទៀតហើយព្រលឹង ឬមួយអូនខឹងនិងរៀមរ៉ា

បងថ្នាក់ថ្នមអូន មិនគាប់ចិន្តា

បានជាអូនថា ស្នេហ៍គ្មានជម្រៅ?

មាសស្នេហ៍អូនអើយ! រស់មិនបានទេ

ស្នេហ៍អូនខុសគេ រកឆ្លើយមិនត្រូវ

អភ័ព្វទាំងចិត្ត កាយសែនអាស្រូវ

សូមប្រុសបងនៅ សាងសុខចុះអឺយ!