Ulan Lyrics

Sa lilim ng tirik na araw

Nakahimlay, bitak na lupa

Pag-asa ng magsasaka

Unti unting nawawala

Taimtim na nagdarasal

Sana'y mahabag at umulan na

Walang humpay na hagupit

Ng tagtuyot, sadyang napakalupit

Bitak-bitak, tigang na lupa

Nagsusumamo, matapos na

Ng sa gayon ay umusbong

Puno ng buhay at pag-asa

Dating makulay na bukirin

Wala ng buhay, alikabok na

Dumaraing, tanging hiling

Itong delubyo ay matapos na

Matapos na, matapos na!

Matapos na Matapos na

Ulan, ulan di mapipigilan

Biyaya sa atin ng kalikasan

Kapag inabuso ng katawhan

Ulan, ulan, wawasakin ang lahat ng bayan

At dumilim ang kalangitan

Nagkubli sa kaulapan

Nagbabadyang uulan

Paghihirap ay maiibsan

Ang lahat ay lumabas, inaabangan

Ang pagbuhos ng unang ulan

Tara na't sumayaw, paa ay iindak

Salubungin natin ang unang patak

Ng ulan

Ulan, ulan di mapipigilan

Biyaya sa atin ng kalikasan

Kapag inabuso ng katawhan

Ulan, ulan, wawasakin ang lahat ng bayan

Ilang araw na ang nagdaan

Walang humpay ang pag- ulan

Bumabaha ng pangamba

Mauuwi yata sa wala

Bukid namin ay nalubog

Tanging yaman, naanod sa ilog

Ang tag-ulan na hinintay

Syang dahilan, marami ang namatay

Marami ang

Namatay

Ulan, ulan di mapipigilan

Biyaya sa atin ng kalikasan

Kapag inabuso ng katawhan

Ulan ulan kailanman, di na matitikman

Gutom ang tiyan, walang tahanan,

Maalinsangan, mabahong lansangan

Kalbong kagubatan, bunga ng walang ulan!

Ulan, ulan di mapipigilan

Yakapin ng mahigpit ang unan

Bumabagabag sa kalooban

Panandaliang kalimutan

Ulan, di mapipigilan

Biyaya sa atin ng kalikasan

Kapag inabuso ng katawhan

Ulan, ulan, wawasakin ang lahat ng bayan

Ulan, di mapipigilan

Biyaya sa atin ng kalikasan

Kapag inabuso ng katawhan

Ulan ulan

ulan ulan

Tara na

Baka umulan