Filmmusig zu dim Läbe ft. Natalie Santos Lyrics

Am Fuess vo de Wiede liits erschte Laub

Du liisch z lang scho i dem Zimmer

Und alles wird Äsche alles wird Staub

Nüüt bliibt do für immer

Gseh dis wiisse Hömli det am Schrank

Han es dumpfs Gfühel i mer inne

Es chönnt die letschti Stund sii

Woni do mit der verbringe

Sie goht die Nacht

Die Nacht sie goht

Sie goht ned ohni

En Narbe z hinderloh

Du liisch zlang scho i dem fremde Bett

Ohni Wort und ohni Stimm hoff

Hesch mer alles chönne säge

Wo der sLäbe no d Ziit ghe hett

Dini Stimm i ha sie gärn ghört

I mim Chopf nur no es Echo

Dini Stimm sie hett nur der ghört

Und De Saucheib hett sie weggnoh

Sie goht die Nacht

Die Nacht sie goht

Sie goht ned ohni

En Narbe z hinderloh

Vom Baum verschwindet s letschte Laub

Znacht underem grosse Waage

Fiire Milbe Würmer Schnegge

Sit Taage es wüschts Gelage

Und de Vater spielt i dem Zimmer

Sini Lieder uf de Mandoline

Und die letschti Träne uf dim Gsicht

Zeigt mer du ghörsch eus no immer

Sie ghört die Nacht

Die Nacht sie ghört

Sie ghört eus no immer

Filmusig zu dim Läbe

Wenns so isch wie es paar Lüüt säge

Dass bim Sterbe dis eigne Läbe

Wie ne Film a der verbii zieht

Chummt die Musig do grad gläge

Du ghörsch

Du ghörsch

Du ghörsch eus no immer

Er spielt

Er spielt

D Filmmusug zu dim Läbe