Mondblueme Lyrics

Es wird langsam dunkel

Alles goht

De Mond goht uf

Und d Auge gönd zue

En Hund wo bellt

Isch s Letschte

Wo er ghört

Vorem Schlof

Was macht sini Seel

Im Schatte vo de Erde

Im Klang vo dere

Traumprojektion

Was macht sini Seel

I de Thermik vom Mondschiin

Sie verwandelt sich

In en Heissluftballon

In en Heissluftballon

In en Heissluftballon

Sie verwandelt sich

In en Heissluftballon

I sim Herz

Parat für d Navigation

Lüütet en bärtige Stüürmaa d Glogge

Er stüüret de Flug

Direkt zum Palast

Und holt det en

Thronfolgerin ab

I hoffe du hesch

Kei Akrophobie

Sie lächlet nur

Und stiegt ii

Er reicht ihre d Hand

Seit Ufe ischs Ziel

Sie findet de Luchs hett Stil und seit

Glück ab und guet Land

Glück ab und guet Land

I dem Widechorb

Us gflochtne Erinnerige

Stönd sie lang

Nöch binenand

Verzelle vergnüegt

Gschichte usem Läbe vorem Läbe

Säge Wort wo mer nur

Do obe sött säge

Und alles was schwer ufliit und

De Uufstig chönnt behindere

Weg demit

Wiit wiit weg demit

Wiit wiit weg demit

Wiit weg

Seelematerial mit hohem Gwicht

Material mit gringem Wert

Weg demit wiit weg demit

Weg mit dem wo ahaftet

Weg mit Angst und Leid

Begehre und alles wo chönnt nerve

Abwerfe

Seeleballast abwerfe

Seeleballast abwerfe

Sie tüend

Seeleballast abwerfe

De Chorb viel liechter

Im Chopf alles klar

De Flug goht wiiter

Im GleitTraum

Und do obe isch de Ort

Do obe gits so Stimme

Wo ohni Wort

Tüend schwinge

Wenn er ihri Auge luegt

Ghört er en Melodie

Und au de Mond

Foht a singe

Heb en klare Chopf ond tröim

Heb en klare Chopf ond tröim

Heb en klare Chopf ond tröim

Tröim wiiter

I beidne brennt en Flamme

Wärme d Luft i de Hülle

Schwebe höcher immer höcher

Und de Mond isch schön

Jo de Mond isch schön

Jo de Mond isch schön

Jo de Mond isch schön

Und pfiife d Vögel uf de Boim

Bringt er sie wieder hei

Und zum Abschied seit sie nur

Tröim wiiter

Heb en klare Chopf ond tröim

Heb en klare Chopf ond tröim

Heb en klare Chopf ond tröim

Tröim wiiter

Heb en klare Chopf ond tröim

Heb en klare Chopf ond tröim

Heb en klare Chopf ond tröim

Tröim wiiter