Gföhrli läbe Lyrics

So viel Toti i dem Bildschirm

Und ned eine i dim Läbe

Du wottsch Angscht ha und di fürchte

Gföhrli läbe und a Rand go

Du wottsch Angscht ha und di fürchte

Gföhrli läbe und a Rand go

Und em Tod wirsch du denn säge

Dini Sense hett en Scharte

Bring doch die zerscht no zum flicke

Wart so lang mol det im Garte

Es hett Angel Dust und Birra

Und en Schlange wod chasch gärn ha

Mer wänd Angscht ha und eus fürchte

Gföhrli läbe und a Rand go

Und em Tod werde mer säge

Gang vorus muesch gar ned warte

Wäg dem furchtbar starche Räge

Chönnts wahrschindli spöter werde

Gang voruus chasch ruhig allei go

S isch kei guete Tag zum sterbe

Aber du hesch ned uf me glosst

Seeleruhig besch ufmi zuecho

Du hesch Platz gnoh i mer inne

Und jetzt wottsch dass ich entscheide

Saucheib hesch es ned allei gschafft

Und jetzt wartisch uf mis Zeiche

Hesch der gnoh was jetze der ghört

Lang hesch gsuecht hütt hesch sie gfunde

Und jetzt hilft auch gar kei Glaube

Lueg wie s Klima sich tuet wandle

I ha di gseh I ihrne Auge

I ihrne strahlend blaue Auge

So viel Toti i dem Bildschirm

Plötzli eine i mim Läbe

Cha kei Träne meh zrugg halte

Wünscht i chönnt de Film abschalte

De erschti Schnee liit uf de Berge

Und de Himmel brönnt füürrot

D Hoffnig chummt die Nacht no zu mer

Küsst mi sanft und seit ade