Shatkania Fatikchori Lyrics

আঁরো বাড়ী সাতকাইন্যে

আর তোঁয়ারো ফটিকছড়ি

আঁরো বাড়ী সাতকাইন্যে

আর তোঁয়ারো ফটিকছড়ি

তোঁয়ার হাছে আঁর মনর হতা

ফাটাইয়ুম ক্যান গরি ননাই

হদিন আগে তুঁয়ার বদ্দা

লইয়্যে মোবাইল হারি

তুঁয়ার বদ্দা লই ফালাইয়ে

তুঁয়ার মোবাইল হারি

এখন আঁরা মনর হতা

ফাটাইয়ুম ক্যান গরি ননাই

আঁরো বাড়ী সাতকাইন্যে

আর তোঁয়ারো ফটিকছড়ি

তোঁয়ার হাছে আঁর মনর হতা

ফাটাইয়ুম ক্যান গরি ননাই

তোঁয়ারে ফ্রতম দেইক্কিলাম

আঁর তালতো বইনুর বিয়েত

ফ্রতম দেহাত মন দিফালাই

জাগার মইধ্যি থিয়েত

তারফর

ফেসবুকুত অ্যাড গরিলাম

গুডা রাইত চ্যাট গরিলাম

ফেসবুকুত অ্যাড গরিলাম

এতাইন এতাইন লাইক ও দিলাম

বোত হষ্টে মন ফাইলাম

হত ডিবিলিং গরি ননাই

আঁরো বাড়ী সাতকাইন্যে

আর তোঁয়ারো ফটিকছড়ি

তোঁয়ার হাছে আঁর মনর হতা

ফাটাইয়ুম ক্যান গরি

চাঁনগা আবাসিকুত থাইকতু

তুঁয়ার মেঝ-হালা

বেরাইতে আইলে তুঁয়ারা

আঁর মন অইতু উতলা

সুযোগ বুঝি আঁইও আইসতাম

লুয়োই লুয়োই দেহা গইত্যাম

সুযোগ বুঝি আঁইও আইসতাম

দুইজন মিলি সিবিক্স যাইতাম

নিউমার্কেট ফালুদা হাইতাম

হত মজা গরি ও ননাই

আঁরো বাড়ী সাতকাইন্যে

আর তোঁয়ারো ফটিকছড়ি

তোঁয়ার হাছে আঁর মনর হতা

ফাটাইয়ুম ক্যান গরি

একদিন তুঁই হবর দিলা

জলদি দেহা গর

দেহা গরি হবর উনি

অই গেলাম সাব-দড়

বিয়ের ফ্রস্তাব আইস্যে

তুঁয়ার নাজিরাইট্যে ফুয়া

ফুয়া তাহে দুফই দেশত

বাড়ি তুউল্যি নুয়া

উন্দি

তুঁয়ার বদ্দা আঁরে তুয়ার

দরিতাইল্যে দিবু চুয়াড়

তুঁয়ার বদ্দা আঁরে তুয়ার

দরিতাইল্যে দিবু চুয়াড়

আঁরার বালোবাসার হতা

অইয়্যে জানাজানি ই ননাই

আঁরো বাড়ী সাতকাইন্যে

আর তোঁয়ারো ফটিকছড়ি

তোঁয়ার হাছে আঁর মনর হতা

ফাটাইয়ুম ক্যান গরি