Vini an nou koté Lyrics

Ankô pou mo péyi

Mo sir sèrten égri

Mè mo té anonsé'l déjà

Alô souplé pa pèd fwa

A pran to pié lô to rivé pa bôt so bièf

E si to yèg to ké pé jwen bon d'lo glasé

Rivé bît krik bleu asou vilaj fava

Roun péyisaj ki pé fè to pédi la fwa

Nou gen krik diaman ké krik patawa

Dégra èskôl ou biyen anba dégra

E si ti pa komprann ki nou ja rivé Roura

Roun bèl ti kwen andan mo ti Lagwiyan

Vini si ti lé pran to pié

Amizé siroté ké roun bèl pansé

To vini an vakans é to lé vibré

Kouté pyroman ké lova-jah biyen pozé

Vini andan nou bèl koté

Si to paré pou konèt roun bèl trajè

Lova-jah ké pyro ké fè to konèt lè pli bèl ti kwen

Andan nou bèl péyi

A kot Bérard to ké jwen bon manjé lokal

A krik tousen ké krik kanslèr roti ka bay

Rivé anba mang nou tout an kominiyon

Obô légliz-a nou pa janmen gen presiyon

Men manôt ja tounen roun sorbé kakawèt

Pli bon désèr i gen nou tout ka léché dwèt

E si to pa komprann ki nou ja Sinnamary

Kouté grajé lè zimortèl ké bon plézi

A roun mélanj ki èksèpsiyonèl

Amérendiyen brézilien ké nèg fout sa bèl

Andan roun kwen lari to pwé tandé ti-bwa

E rôt bô-a to pwé dansé roun kout bréga

Pran roun laka andan dégra maripa

Véyé ki to yaya pa jwenn ké pyrania

Eu te falo de la ciudad do saô-jorge

Eu pode falo con meu amigo brazileiros

Fo pa to bliyé pasé koté mouché klyde

La gar routièr Soholang

Fo pozé manjé Boy's Fromagé tandé

Antré Zéphyr sa bon

Nou ké la sap, nou plen ké klas

Sarah Boutique ké afro-pulse ké bay to sa

Si to lé bon son mandé pyroman

Mo mèm lova-jah ka ékri anlè sa woy