An nou kontré Lyrics

A vrè nou pa ka pran tan pou nou kontré.

Kitan nou ka gadé pou fè roun manjé.

A vrè nou pa ka jwen,

Konsi nou paré bliyé tou sa nou té viv piti

Sonjé, lô nou té jwen obô krik tandé

Rasanblé, sa té bèl nou feeling té irie

To gen kwak mo gen zavoka woyoye

Nou ja trapé zonyon pèrsi sitron ké lwil

Asézonnenn roun latcho palika

Roti kounyad a ké desann faya

Kitan ka gadé pou nou pé jwen wè

Kitan nou ka roufè nou ti roulé, an nou kontré

Rouvini anlè sirotaj lô nou té ti bolonm

Pa té bizwen fanm toutouni pou nou té pran roun vibes

Jodla jou nou pa ka wè nou ti moun ka grandi

Konsi di fèt nou gen nou fanm nou lavi chanjé

Pa je, bliyé ki nou sa bon zanmi

Donc souplé an nou roupran nou bèl ti plézi, an nou kontré

Fo nou roubité

Es ki to sonjé bonbon filan

Mo pa ka jwen pésonn ki ka fè wang

De tan zan tan mo ka frapé mo kwak-coco

Manjé kwak ké dilèt a té roun bon désè

Roun zolive ou biyen roun kénèt

Roun mag persinèt ou roun sirèt

Sa sèlman té ka fè nou pété dwèt

Sonjé transmèt pou sa kip a gen tan konèt