ចន្ទូរុះលំអង Lyrics

ក្លិនផ្កាច័ន្ធូក្រអូបម្ល៉េះណា

ក្រអូបលើសផ្កា នាដែនលោកិយ

ដុះក្នុងឧទ្យានមានភ័ព្វប្រពៃ

ផ្កាមាននិស្ស័យរាល់យប់ថ្ងៃ

រំសាយក្លិនខ្លួនស្រីបង្អួតភូមរា

ថ្ងៃនេះភូមរាប្រាថ្នាលំអង

ក្នុងចិត្តប៉ុនប៉ងចង់ស្រូបគន្ធា

ហើរទៅហើរមកស្កាត់រកបុប្ផា

លួងលោមស្នេហាថ្លែងវាចា

សូមស្រីមេត្តាបងផង

ច័ន្ធូផ្កាទន់ចិន្តាសាសង

ព្រមស្នេហ៍ស្នង

ចិត្តកួចចងមេត្រី

លះបង់កាយចំណាយភក្តី

ផ្សងនិស្ស័យស្នេហា

អាសូរច័ន្ធូរុះរោយឥតន័យ

រាល់ពេលយប់ថ្ងៃរងទឹកនេត្រា

ព្រោះគេស្គាល់ហើយ គេលែងត្រូវការ

ឱ! អនិច្ចាខ្លួនបុប្ផា

យល់តែទុក្ខារាល់ថ្ងៃ

អាសូរច័ន្ធូរុះរោយឥតន័យ

រាល់ពេលយប់ថ្ងៃរងទឹកនេត្រា

ព្រោះគេស្គាល់ហើយ គេលែងត្រូវការ

ឱ! អនិច្ចាខ្លួនបុប្ផា

យល់តែទុក្ខារាល់ថ្ងៃ

ទុក្ខរាល់ថ្ងៃ ផ្កាច័ន្ធូ ផ្កាច័ន្ធូ