Qoum ki Awaz (Urdu Rap) Lyrics

Alfaaz nahi yeh sirf, puri qoum ki awaz Hai jawaz, is halat ka hamari kiske

paas

Anjaam nahi yeh abi yeh hai Shruwaat Rakho thori umeed sun rahe barson se yeh baat

Par umeed tou na badle gi is qoum k halaat

Pai pai pe Hoti jahan zulm ki barsaat hai

Jurm b Har jaga, bas naam ka insaaf Bekasur Qaid hai aur mujrim azad

Agar chalte Rahe aise, hongay sirf barbaad

Na Aayegi subha na kategi siyah raat Us Rab ke tou aagay na he shakal na he zaat

Phir karte hein farq kyun, hamari kya auqaat

Khauf dilon mein ke na sach ka koi sath de

Insaaf k rakhwale, bhi khudi sach ko maat den

Karta jo saaf baat hai, usi se ikhtilaaf hai

Iss baat ko jaan ke hua yeh inkishaf hai

Bahar se mazhabi, andar se koi saaf nahi

Karte gunah sabhi, koi aiteraaf nahi

Mukhota pehente Hein, koi benaqaab nahin

Lakh sawal hein par koi ik jawab nahi

Dekha tha iqbal ne iss din ke Liay khawaab nahin

Quaid ki wo mehnat karo aise kharab nahin

Leke jaan kisi ki milne wala sawaab nahi

Qatal jaiz tou, haraam phir sharaab nahin

Fakhar se hein kehte, mulk jang ko hai tayyar

Par haqeeqat tou yeh ke adhi qoum berozgar

Kon bekasur hai ya kon kasurwaar

Aur kis ke jurm mein janay kon giraftaar

Hun bezaar rahana jaye is zulm k jal mein

Jahan insaaf bhi ho tou dande k dam pe

Kis qisam ke yeh khoon k dange

Naam pe mazhab ke marte hein bande Hein haraam dhande daag bhare kirdaar hein

Apni is halat ke hum khud he zimedaar hein

80 feesad mulk jab jahalat ka shikar hai

Meri puri qoum se bas itni si pukar hai Uthao qalam jahalat ki girado diwaar yeh

Khol lo kitaab aur phenkdo hathyaar yeh

Uthao awaz dedo tum iss khamoshi maar

Hojaen hazar tou awaz banti lalkar hai

Yeh tha sird aik safa, rehti puri qitaab hai

Gheebat subha sham nafrat be hisaab hai

Sochte phir hum aata kyun hum pe azaab hai

Sab ban gaye haiwan aur insaniyat nayaab hai